Bandla Janani: వరుస బ్లాక్బస్టర్ చిత్రాలతో టాలీవుడ్లో ‘బ్లాక్ బస్టర్’ నిర్మాతగా పేరు తెచ్చుకున్న బండ్ల గణేష్ ఇంట్లో ఇప్పుడు పెళ్లి బాజాలు మోగుతున్నాయి, ఆయన గారాల పట్టి జనని త్వరలోనే ఒక ఇంటికి కోడలిగా వెళ్లనున్నారు. ఈ మేరకు బండ్ల గణేష్ సోషల్ మీడియా వేదికగా తన సంతోషాన్ని అభిమానులతో పంచుకున్నారు, పెళ్లి పనులు మొదలైనట్లుగా బండ్ల గణేష్ షేర్ చేసిన ఫొటోలు ప్రస్తుతం నెట్టింట వైరల్ అవుతున్నాయి. ముఖ్యంగా హల్దీ వేడుకల ఫొటోలలో జనని ఎంతో కళకళలాడుతూ కనిపిస్తున్నారు, కుటుంబ సభ్యులు, ఆత్మీయుల మధ్య ఈ వేడుక అత్యంత వైభవంగా జరిగినట్లు తెలుస్తోంది.
READ MORE: Bengal hostage row: ఎంఐఎం నాయకుడే మల్దా ఘటన సూత్రధారి.. పారిపోతుండగా అరెస్ట్..
ఇక తన కుమార్తె జీవితంలో కొత్త అధ్యాయం మొదలవుతున్న తరుణంలో, కాబోయే అల్లుడు సూర్యతేజ చిలుకూరును బండ్ల గణేష్ అందరికీ పరిచయం చేశారు. ఈ సందర్భంగా ఆయన భావోద్వేగంతో కూడిన పోస్ట్ చేశారు, “దేవుడి ఆశీస్సులు, పెద్దల దీవెనలతో మా అమ్మాయి జనని వివాహం త్వరలోనే జరగనుంది. ఈ శుభకార్యం గురించి మీ అందరికీ తెలియజేయడం చాలా సంతోషంగా ఉంది.” అని బండ్ల పోస్ట్ చేశారు. ఇక సోషల్ మీడియాలో యాక్టివ్గా ఉండే బండ్ల గణేష్, తన ఇంట జరుగుతున్న ఈ వేడుకల విశేషాలను ఎప్పటికప్పుడు షేర్ చేస్తున్నారు. కొత్త జంటకు నెటిజన్లు, టాలీవుడ్ ప్రముఖులు శుభాకాంక్షలు తెలుపుతున్నారు. వెండితెరపై భారీ చిత్రాలను నిర్మించే బండ్ల గణేష్, తన కుమార్తె వివాహాన్ని కూడా అంతే గ్రాండ్గా నిర్వహించేందుకు ప్లాన్ చేస్తున్నట్లు సమాచారం, త్వరలోనే పెళ్లి వేడుకకు సంబంధించిన మరిన్ని వివరాలు, తేదీలు వెలువడే అవకాశం ఉంది. ఏదేమైనా ‘బ్లాక్ బస్టర్’ నిర్మాత ఇంట జరుగుతున్న ఈ సందడి ఇప్పుడు సినీ సర్కిల్స్లో హాట్ టాపిక్ అయింది.
READ MORE: Yuvraj Singh: “ఎక్కడి నుంచో వచ్చాడు.. కెప్టెన్ అయ్యాడు”.. ధోనిపై యూవీ ఇంట్రెస్టింగ్ కామెంట్స్..!