‘గాడ్ ఆఫ్ మాసెస్’ బాలకృష్ణ మరియు గోపీచంద్ మలినేనిల క్రేజీ కాంబినేషన్ లో రాబోతున్న NBK111 సెట్స్ పైకి వెళ్లేందుకు సిద్ధమైంది. ‘వీరసింహారెడ్డి’ వంటి బ్లాక్ బస్టర్ హిట్ తర్వాత వీరిద్దరి కలయికలో వస్తున్న సినిమా కావడంతో ఈ సినిమాపై భారీ అంచనాలు ఉన్నాయి. తాజాగా ఈ సినిమా షూటింగ్ షెడ్యూల్ గురించి ఒక అప్డేట్ సోషల్ మీడియాలో వైరల్ గా మారింది.
Also Read : Tamil Cinema : మణిరత్నం సినిమా.. ధనుష్ ఔట్.. విజయ్ సేతుపతి ఇన్
అందిన సమాచారం ప్రకారం, ఈ సినిమా రెగ్యులర్ షూటింగ్ మార్చి 5 నుంచి హైదరాబాద్లోని అల్యూమినియం ఫ్యాక్టరీలో ప్రారంభం కానుంది. మొదటి రోజే బాలయ్య మార్కు పవర్ఫుల్ యాక్షన్ సీక్వెన్స్తో సినిమాను మొదలుపెట్టాలని దర్శకుడు గోపీచంద్ మలినేని ప్లాన్ చేశారు. ఈ భారీ యాక్షన్ ఎపిసోడ్ సినిమాకే హైలైట్గా నిలుస్తుందని, బాలయ్యను అత్యంత మాస్ లుక్లో చూపించబోతున్నారని టాక్. గోపీచంద్ మలినేనికి హీరోలను పవర్ఫుల్గా చూపించడంలో సెపరేట్ స్టైల్ ఉంది. ‘వీరసింహారెడ్డి’లో బాలయ్య విశ్వరూపం చూపించిన ఆయన, ఈసారి అంతకు మించి ఉండేలా స్క్రిప్ట్ను సిద్ధం చేశారట. వృద్ధి సినిమాస్ బ్యానర్ పై సతీష్ కిలారు ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. కాగా ఈ సినిమాలో బాలయ్య సరసన నయనతార హీరోయిన్ గా త్వరలోనే ఈ సినిమాలో నటించే ఇతర నటీనటులు మరియు సాంకేతిక నిపుణుల వివరాలను అధికారికంగా వెల్లడించనున్నారు.
