Bajaj Chetak 35 Series: కొత్త ఈవీ చేతక్‌ లాంచ్‌ చేసిన బజాజ్.. ఫీచర్లు ఇదిగో..

Bajaj Chetak 35 Series: ఇప్పుడంతా ఎలక్ట్రిక్‌ వెహికల్స్‌ హవా నడుస్తోంది.. 2024కి గుడ్‌బై చెప్పి.. 2025కి ఆహ్వానం పలకబోతోన్న వేళ.. ఈవీ రంగంలో కొత్త వెహికల్స్‌ రాబోతున్నాయి.. ఈవీ కార్లు, ఈవీ స్కూటర్లు, ఈవీ బైక్‌లు ఇలా.. మార్కెట్‌లోకి రాబోతున్నాయి.. ఇక, మరో అడుగు ముందుకు వేసిన బజాజ్‌ సంస్థ కొత్త చేతక్‌ స్కూటర్లను లాంచ్‌ చేసింది. వీటి ధర రూ.1.20 లక్షల నుంచి ప్రారంభమవుతుంది. 2025 బజాజ్ చేతక్ 35 సిరీస్ లాంచ్‌ చేసింది.. ఇది ఎలక్ట్రిక్ స్కూటర్లలో అనేక పెద్ద మార్పులను తీసుకువచ్చింది. కొత్త బజాజ్ చేతక్ 35 సిరీస్ కొత్త ప్లాట్‌ఫారమ్‌పై నిర్మించబడింది.. కొత్త అప్‌గ్రేడ్‌లను కలిగి ఉంది, కొత్త ఫీచర్లను కూడా జోడించారు..

బజాజ్ చేతక్ 35 సిరీస్.. ఎలక్ట్రిక్ స్కూటర్లలో అనేక పెద్ద మార్పులను తీసుకువచ్చింది. 2025 బజాజ్ చేతక్ ఇప్పుడు మూడు వేరియంట్‌లలో అందుబాటులోకి వచ్చింది.. 3501, 3502 మరియు 3503ను విడుదల చేసింది.. కొత్త చేతక్ 3503 ధర రూ. 1.20 లక్షలు కాగా, 3502 ధర రూ. 1.27 లక్షలు. టాప్-స్పెక్ చేతక్ 3501 ధరను ప్రకటించాల్సి ఉంది.. వీటిని ఆన్‌లైన్‌లో మరియు దేశవ్యాప్తంగా 200 కంటే ఎక్కువ డీలర్‌షిప్‌లలో బుకింగ్‌ ప్రారంభించింది.. అంతే కాదు ఈ నెల చివరి నుండి 3501 వేరియంట్‌ల డెలివరీ కూడా ప్రారంభించబోతోంది.. జనవరి 2025 నుండి 3502 వేరియంట్లు వినియోగదారులకు అందజేసేందుకు సిద్ధమైంది..

బజాజ్ చేతక్ 35 సిరీస్ ఫీచర్ల విషయానికి వస్తే..
ఇది గత మోడళ్ల కంటే తేలికైన 4.2 kW (5.6 bhp) ఎలక్ట్రిక్ మోటారును కలిగి ఉంది. ఇది గంటకు 73 కిలోమీటర్ల వేగాన్ని అందుకోగలదు.. బ్యాటరీకి మరింత రక్షణ కోసం బజాజ్ మరింత షీట్ మెటల్‌ను ఉపయోగించింది. ఇది కాకుండా, మోటార్ మరియు కంట్రోలర్ కోసం కొత్త కూలింగ్ లేఅవుట్.. సర్క్యూట్ కాకుండా ఉండేందుకు కొత్త iFuse ఫీచర్ తీసుకొచ్చింది.. ఈ-స్కూటర్‌లో ఎకో మరియు స్పోర్ట్ అనే రెండు రైడ్ మోడ్‌లు ఉన్నాయి.

2025 బజాజ్ చేతక్ 35 సిరీస్.. కొత్తగా వచ్చిన మార్పులు ఏంటి?
కొత్త బజాజ్ చేతక్ 35 సిరీస్ అదే రెట్రో-ప్రేరేపిత డిజైన్‌ను కలిగి ఉంది. కానీ స్టైలింగ్ పరంగా కొన్ని మార్పులు చేశారు. అలాగే కొత్త కలర్ ఆప్షన్లు ఇందులో అందుబాటులో ఉన్నాయి. ఫీచర్ లిస్ట్‌లో పెద్ద అప్‌డేట్ వస్తుంది, ప్రత్యేకించి టాప్-స్పెక్ 3501 వేరియంట్‌లో, ఇది ఇప్పుడు మునుపటి నాన్-టచ్ యూనిట్ స్థానంలో టచ్‌స్క్రీన్ డ్యాష్‌బోర్డ్‌తో వస్తుంది. TFT కన్సోల్ స్మార్ట్‌ఫోన్ కనెక్టివిటీ, మ్యూజిక్ కంట్రోల్స్, ఇంటిగ్రేటెడ్ మ్యాప్స్, జియో ఫెన్సింగ్ మరియు మరెన్నో ఫీచర్లతో వస్తుంది. చేతక్‌లో కొత్త ఫీచర్‌లను జత చేయడం వలన.. దాని ప్రత్యర్థులతో పోటీపడేందుకు దోహదపడుతుందని అంచనా వేస్తున్నారు..

ఇక, 2025 బజాజ్ చేతక్ 35 సిరీస్ కొత్త ఫ్రేమ్‌తో అమర్చబడింది. దీనిలో 3.5 kWh కొత్త బ్యాటరీ ప్యాక్‌ని అమర్చారు. బ్యాటరీ ఇప్పుడు ఏథర్ 450 సిరీస్ మరియు రిజ్టా ఇ-స్కూటర్‌ల మాదిరిగానే ఫ్లోర్‌బోర్డ్ ప్రాంతంలో ఉంచబడింది. ఇది ప్రస్తుత చేతక్ 29 సిరీస్ కంటే చాలా పెద్దదిగా కనిపిస్తోంది.. కొత్త చేతక్‌లో సీటు పొడవు 725 మిమీ, ఇది మునుపటి కంటే 80 మిమీ ఎక్కువ. ఫుట్‌బోర్డ్ 25 మిమీ పొడవుగా ఉంటుంది, ఇది రైడర్‌కు మెరుగైన లెగ్‌రూమ్ కలిగి ఉంది.. ఎలక్ట్రిక్ స్కూటర్ యొక్క కొత్త ఇంజినీరింగ్ కారణంగా, వాహనం యొక్క ఉత్పత్తి వ్యయం 45 శాతం తగ్గిందని బజాజ్ తెలిపింది. ఈ-స్కూటర్ ప్రామాణికంగా 3 సంవత్సరాలు/50,000 కిమీ వారంటీతో అందుబాటులో ఉంటుందని పేర్కొంది.