Axar Patel: టీమిండియా టీ20 ప్రపంచకప్ విజయంలో కీలక పాత్ర పోషించిన ఆల్ రౌండర్ అక్షర్ పటేల్ శుభవార్తను అభిమానులతో పంచుకున్నాడు. అక్షర్ తన భార్యతో కలిసి సోషల్ మీడియాలో ఒక వీడియోను పంచుకున్నాడు. అతను తండ్రి కాబోతున్నట్లు తెలిపాడు. అతని భార్య మేహా పటేల్ గర్భవతి. గతేడాది జనవరిలో గుజరాత్‌లోని వడోదరలో మేహా పటేల్‌ను వివాహం చేసుకున్నాడు. అతని భార్య మేహా డైటీషియన్, న్యూట్రిషనిస్ట్. ఇంతకుముందు, అక్షర్ ఇటీవల కపిల్ శర్మ కామెడీ షోలో ఈ సమాచారాన్ని పంచుకున్నారు. వారు త్వరలో రెండు నుండి మూడు కాబోతున్నట్లు తెలిపాడు. ఈ షోలో టీమిండియా కెప్టెన్ రోహిత్ శర్మ, భారత ప్రస్తుత టీ20 కెప్టెన్ సూర్యకుమార్ యాదవ్‌తో కలిసి షోకి వచ్చాడు.
ప్రస్తుతం అక్షర్ చేసిన వీడియోలో, అక్షర్ తన భార్య మేహా కడుపుపై చేయి వేసి తన రాబోయే బిడ్డను తాకినట్లు కనిపించాడు. దీనితో పాటు, ‘గొప్ప ఆనందం వస్తోంది’ అని క్యాప్షన్‌లో రాసుకొచ్చాడు. ప్రస్తుత ఈ వీడియో నెట్టింట వైరల్ గా మారింది. అక్షర్ ఇటీవల బంగ్లాదేశ్‌తో ముగిసిన టెస్ట్ సిరీస్‌లో భారత జట్టులో భాగమయ్యాడు. కానీ. అతనికి ఒక్క మ్యాచ్‌లో కూడా ఆడే అవకాశం రాలేదు. అతను 14 టెస్టుల్లో 35.88 సగటుతో 646 పరుగులు, బౌలింగ్‌లో 55 వికెట్లు తీసుకున్నాడు. 60 వన్డేల్లో 568 పరుగులు, 64 వికెట్లు తీశాడు. అతను 62 టి20 ఇంటర్నేషనల్స్‌లో 463 పరుగులు, 62 వికెట్లు తీసుకున్నాడు.