Social Media Ban: డిసెంబర్ 10 నుంచి సోషల్ మీడియా బ్యాన్.. ఎక్కడో తెలుసా!

Social Media Ban: సోషల్ మీడియా లేని రోజులను ఊహించుకోగలమా.. లేదు కదా.. అయితే ఒక దేశంలో మాత్రం ఈ డిసెంబర్ 10 వ తేదీ నుంచి సోషల్ మీడియాను బ్యాన్ చేస్తున్నారు. ఇంతకీ ఆ దేశం పేరు తెలుసా.. ఆస్ట్రేలియా. ప్రపంచంలో 16 ఏళ్లలోపు పిల్లలు ఇకపై సోషల్ మీడియాను ఉపయోగించలేని మొట్ట మొదటి దేశంగా ఆస్ట్రేలియా అవతరించనుంది. ఈ దేశంలో అమలు చేస్తున్న వయో పరిమితులు ఇప్పుడు 16 ఏళ్లలోపు పిల్లలను ఇన్‌స్టాగ్రామ్, ఫేస్‌బుక్‌తో పాటు ఇతర సోషల్ మీడియా సైట్‌లను వినియోగించకుండా నిషేధించాయి. ఆస్ట్రేలియన్ ఇన్‌స్టిట్యూట్ ఆఫ్ హెల్త్ అండ్ వెల్ఫేర్ (AIHW) జూన్ 2021 డేటా ప్రకారం.. ఆస్ట్రేలియాలో దాదాపు 4.04 మిలియన్ల మంది 16 ఏళ్లలోపు వారు ఉన్నారు. ఈ సమూహం మొత్తం జనాభాలో దాదాపు 16% ప్రాతినిధ్యం వహిస్తుంది. దీంతో ఇప్పుడు దేశంలో దాదాపు నాలుగు మిలియన్ల సోషల్ మీడియా ఖాతాలు నిషేధించనున్నట్లు తెలుస్తుంది.

READ ALSO: India Vs South Africa Test 2025: ఈడెన్ గార్డెన్స్‌లో టీమిండియా పరాభవానికి ఇవే ప్రధాన కారణాలు..

డిసెంబర్ 10 నుంచి అమల్లోకి నిషేధం..
ఆస్ట్రేలియాలో ఈ నిషేధం డిసెంబర్ 10 నుంచి అమల్లోకి వస్తుంది. దీంతో అప్పటి నుంచి దేశంలోని టీనేజర్లు సోషల్ మీడియాను ఉపయోగించలేరు. ప్రపంచంలోనే టీనేజర్లను సోషల్ మీడియాను వినియోగించకుండ నిషేధించిన మొట్టమొదటి దేశంగా ఆస్ట్రేలియా చరిత్ర సృష్టించనుంది. టిక్‌టాక్, స్నాప్‌చాట్, మెటా ఫేస్‌బుక్, ఇన్‌స్టాగ్రామ్, థ్రెడ్‌లు 16 ఏళ్లలోపు వారికి బ్లాక్ చేస్తారు. ఇప్పటికే దేశంలో ఈ నిషేధాన్ని అమలు చేయడానికి సన్నాహాలు వేగవంతం అవుతున్నాయి. Facebook, Instagram, Threads, TikTok, Snapchat, Meta, 16 సంవత్సరాల కంటే తక్కువ వయస్సు ఉన్న వినియోగదారులను అందుబాటులోకి రాకుండా చేస్తున్నారు. ఈ ఆన్‌లైన్ ప్లాట్‌ఫారమ్‌లు రాబోయే రోజుల్లో పది లక్షలకు పైగా ఆస్ట్రేలియన్ టీనేజర్లకు సందేశాలను పంపుతాయి, వారి డేటాను డౌన్‌లోడ్ చేసుకునే అవకాశాన్ని, వారి ప్రొఫైల్‌లను స్తంభింపజేసే అవకాశాన్ని లేదా వాటన్నింటినీ కోల్పోయే అవకాశాన్ని అందిస్తాయని అధికారులు చెబుతున్నారు.

ప్రభుత్వం వీటిని ఎందుకు నిషేధించింది..
డిజిటల్ ప్రపంచం పిల్లల మానసిక ఆరోగ్యానికి లేదా అభివృద్ధికి హాని కలిగించకుండా చూసుకోవడానికి దేశంలో ఈ నిషేధం విధించినట్లు ప్రధాన మంత్రి ఆంథోనీ అల్బనీస్ తెలిపారు. ఆన్‌లైన్ భద్రతా సవరణ (సోషల్ మీడియా కనీస వయస్సు) బిల్లు 2024 ప్రకారం.. మైనర్లు Facebook, Instagram, TikTok, Snapchat, YouTube, X (గతంలో Twitter), Reddit, Threads, Kik వంటి ప్రధాన సోషల్ మీడియా ప్లాట్‌ఫామ్‌లలో ఖాతాలను సృష్టించడం లేదా నిర్వహించడం నిషేధం. ఇది డిసెంబర్ 10, 2025 నుండి అమల్లోకి వస్తుంది. 13-15 సంవత్సరాల వయస్సు గల దాదాపు 200,000 మంది ఆస్ట్రేలియన్ వినియోగదారులను కలిగి ఉన్న టిక్‌టాక్, అనుమానిత మైనర్ వినియోగదారులను నివేదించడానికి ఒక బటన్‌ను అభివృద్ధి చేస్తున్నట్లు పార్లమెంటుకు తెలిపింది. ఇతర యాప్‌లు కూడా వివిధ వయస్సు-గుర్తింపు లక్షణాలను వారివారి యాప్‌లలో అభివృద్ధి చేస్తున్నాయి. కొన్ని యాప్‌లు సెల్ఫీల ఆధారంగా వయస్సును అంచనా వేయడానికి సిద్ధం అవుతున్నట్లు సమాచారం.

READ ALSO: Delhi Car Blast: ఢిల్లీ కార్ బాంబ్ బ్లాస్ట్‌లో డాక్టర్ ప్రియాంకా శర్మకు సంబంధం..