ఆడి ఇండియా ఈ రోజు తన పెర్ఫార్మెన్స్ ఎస్యూవీ అయిన ఆడి క్యూ8ను భారత మార్కెట్లో రూ. 1,77,72,000 ప్రారంభ ఎక్స్-షోరూమ్ ధరతో అధికారికంగా విడుదల చేసింది. ఆడి SQ8 ఒక హై-పెర్ఫార్మెన్స్ లగ్జరీ SUV, ఇది స్టైల్, పవర్, కంఫర్ట్ మూడూ కలిపి అద్భుతమైన డ్రైవింగ్ అనుభవం ఇస్తుంది. ఇది స్టాండర్డ్ Q8 కంటే ఎక్కువ పవర్ఫుల్గా, RS Q8 కంటే కొంచెం తక్కువ పవర్తో మధ్యలో ఉంటుంది. ఇది 4.0-లీటర్ ట్విన్-టర్బోచార్జ్డ్ V8 పెట్రోల్ ఇంజన్తో పనిచేస్తుంది. ఇది 507 hp, 770 Nm టార్క్ను ఉత్పత్తి చేస్తుంది. ఈ ఇంజన్ను ఆడి RS Q8లో కూడా ఉపయోగిస్తారు. అయితే, SQ8 మార్కెట్ స్థానానికి సరిపోయేలా దీనిని భిన్నంగా ట్యూన్ చేశారు. దీనికి 8-స్పీడ్ ఆటోమేటిక్ గేర్బాక్స్, ఆడి క్వాట్రో ఆల్-వీల్-డ్రైవ్ సిస్టమ్ జత చేశారు. ఈ ప్రత్యేకమైన సిస్టమ్, మలుపులు తిరిగేటప్పుడు కూడా అద్భుతమైన రోడ్ గ్రిప్ను, పూర్తి నియంత్రణను అందిస్తుంది.
ఆడి SQ8 ఒక కూపే-SUVగా రూపొందించబడింది, ఇది సాధారణ SUV కంటే మరింత స్టైలిష్ రూపాన్ని ఇస్తుంది. దీని ముందు భాగంలో హాన్సీకోంబ్ నమూనాతో కూడిన పెద్ద గ్రిల్ ఉంటుంది. అంతేకాకుండా, కారుకు మరింత స్పోర్టీ రూపాన్ని ఇవ్వడానికి ముదురు రంగు అంశాలను ఉపయోగించారు. సొగసైన LED హెడ్లైట్లు, ఆకట్టుకునే బంపర్, పెద్ద ఎయిర్ ఇన్టేక్లు దీని దూకుడు రూపాన్ని మరింత పెంచుతాయి. పక్కల వైపులా, వాలుగా ఉండే రూఫ్లైన్, దృఢమైన షోల్డర్ లైన్లు S-స్పెసిఫిక్ అల్లాయ్ వీల్స్, బ్లాక్ డీటైలింగ్తో మరింత ప్రత్యేకంగా కనిపిస్తాయి. వెనుక భాగంలో ఒక LED లైట్ బార్, నాలుగు ఎగ్జాస్ట్ అవుట్లెట్లు, డిఫ్యూజర్-స్టైల్ బంపర్తో పాటు ఒక చిన్న రూఫ్ స్పాయిలర్ కూడా ఉన్నాయి.
Also Read:JC Prabhakar Reddy Emotional: కన్నీరు పెట్టుకున్న జేసీ ప్రభాకర్ రెడ్డి..
ఆడి SQ8 ఇంటీరియర్స్, ఫీచర్లు
డ్రైవర్ అన్ని బటన్లు, స్క్రీన్లను సులభంగా ఉపయోగించుకునేలా కారు లోపల ప్రతిదీ అమర్చబడింది. ఇందులో ఫ్లాట్-బాటమ్ స్టీరింగ్ వీల్ ఉంటుంది. అధిక వేగంతో మలుపులు తిరిగేటప్పుడు కూడా మంచి పట్టును అందించే స్పోర్ట్స్ సీట్లు ఇందులో ఉన్నాయి. ఈ సీట్లకు ప్రీమియం లెదర్, స్టిచింగ్ ఫినిషింగ్ ఇవ్వబడింది. క్యాబిన్లో యాంబియంట్ లైటింగ్ ఉంటుంది, దీనిని మీ ఇష్టానికి అనుగుణంగా సర్దుబాటు చేసుకోవచ్చు. ఆడి SQ8 వాహనం జారిపోకుండా నివారించడానికి అనేక ఎయిర్బ్యాగ్లు, ABS, ఎలక్ట్రానిక్ స్టెబిలిటీ కంట్రోల్తో వస్తుంది. కారు నాలుగు వైపులా వీక్షించడానికి ఇందులో 360-డిగ్రీ కెమెరా కూడా ఉంది. ఇది లేన్ అసిస్ట్, బ్లైండ్-స్పాట్ మానిటరింగ్, ఆటోమేటిక్ ఎమర్జెన్సీ బ్రేకింగ్ వంటి ఫీచర్లను కూడా అందిస్తుంది.
