ఆపిల్ (Apple) ఐఫోన్లు, ఐప్యాడ్‌లు, మ్యాక్‌లు ఇతర ప్రసిద్ధ ఉత్పత్తులపై డిస్కౌంట్లను అందిస్తూ అక్టోబర్ 3 నుండి పండగ సేల్ (దీపావళి సేల్) ప్రారంభించింది. ఫ్లిప్‌కార్ట్, అమెజాన్ వంటి ఇ-కామర్స్ ప్లాట్‌ఫారమ్‌లలో ఆపిల్ ఉత్పత్తులపై భారీ ఆఫర్లు ప్రకటించింది. అంతేకాకుండా.. ఆపిల్ కంపెనీ స్టోర్‌లలో కూడా భారీ తగ్గింపు ధరలకు కొనుగోలు చేయవచ్చు. ఆపిల్ దీపావళి సేల్ ప్రయోజనం వినియోగదారులకు కంపెనీ యొక్క ఆన్‌లైన్, ఆఫ్‌లైన్ స్టోర్‌లలో అందిస్తున్నారు. దానికి సంబంధించిన బ్యానర్ ఆపిల్ ఇండియా (Apple India) వెబ్‌సైట్‌లో కనిపిస్తుంది. బ్యానర్‌లో ఆపిల్ లోగోతో పాటు దీపం ఉంటుంది. ‘మా పండుగ ఆఫర్లు అక్టోబర్ 3న వెలుగులోకి వస్తాయి’ అని రాసి ఉంది. దీపావళి సేల్‌లో ప్రత్యేక ఆఫర్‌లతో ఆపిల్ ఉత్పత్తులను కొనుగోలు చేయవచ్చు.
Beauty Tips: బ్లాక్ హెడ్స్, వైట్ హెడ్స్‌తో ఇబ్బంది పడుతున్నారా..? ఇది ట్రై చేయండి
వినియోగదారులు iPhoneలు, iPadలు, Macలు ఇతర ఉత్పత్తులపై భారీ తగ్గింపును పొందవచ్చు. యాపిల్ ఉత్పత్తులు కొనుగోలు చేసిన వారు 3 నెలల పాటు యాపిల్ మ్యూజిక్‌ను ఉచితంగా పొందవచ్చు. అమెరికన్ ఎక్స్‌ప్రెస్, యాక్సిస్ బ్యాంక్, ICICI బ్యాంక్ కార్డ్‌లను ఉపయోగించి కొనుగోలుదారుల కోసం తక్షణ క్యాష్‌బ్యాక్ ఆఫర్‌ను కూడా విడుదల చేసింది. రూ. 10,001 కంటే ఎక్కువ ఉన్న కొనుగోళ్లు ఈ ఆఫర్‌కు అర్హులు. 90 రోజుల వ్యవధిలో గరిష్టంగా రెండు ఆర్డర్‌లకు వర్తిస్తుంది. క్రెడిట్ కార్డ్‌ల ద్వారా కొనే కస్టమర్లకు.. 3, 6, 9 లేదా 12 నెలల పాటు EMI ఆప్షన్ పెట్టుకోవచ్చు. అంతేకాకుండా.. వారికి ఆపిల్ ఉత్పత్తులపై నో కాస్ట్ EMI అందుబాటులో ఉంది. అయితే.. AirPods, HomePods, Beats ఉత్పత్తులపై 9-12 నెలల కాలవ్యవధి నుండి మినహాయించబడ్డాయి.
Ola Electric: ఓలా ఎలక్ట్రిక్‌ దసరా సేల్.. రూ.49,999లకే ఎస్‌1 స్కూటర్!
అక్టోబర్ 3 నుంచి ప్రత్యేక ఆఫర్లు
ఆపిల్ వెబ్‌సైట్ ప్రకారం iPhone 15, iPhone 15 Plus కొనే వారికి ప్రత్యేక ప్రమోషన్‌ను కూడా అందిస్తోంది. అక్టోబర్ 3 నుండి అక్టోబరు 4 వరకు కస్టమర్‌లు ఈ మోడళ్లను కొనుగోలు చేసేటప్పుడు బీట్స్ సోలో బడ్స్ ప్రత్యేక ఎడిషన్‌ను పొందవచ్చు. ఆపిల్ ఈ ఏడాది చివర్లో iPhone 16 మోడల్‌లు, iPhone 15 Pro ఇతర పరికరాలపై ఆపిల్ ఇంటిలెజెన్స్ (Apple Intelligence) బీటా వెర్షన్‌ను కూడా విడుదల చేయనుంది.