Apple Stocks Down: ఆపిల్ కంపెనీకి షాక్.. 200 బిలియన్ డాలర్లు నష్టం

Apple Stocks Down: యాపిల్ కంపెనీ తన పెట్టుబడిదారులకు షాక్ ఇచ్చింది. ఆ కంపెనీలో పెట్టుబడి పెట్టిన ఇన్వెస్టర్లు ప్రస్తుతం ఆందోళన చెందుతున్నారు. కేవలం 2 రోజుల్లోనే Apple షేర్లు బాగా క్షీణించాయి.ఈ కంపెనీ మార్కెట్ విలువ మొత్తం 200 బిలియన్ డాలర్లు తగ్గింది. ఆపిల్ షేర్లు కేవలం 2 రోజుల్లోనే 6.8 శాతం పడిపోయాయి. ఇందులో 5.1 శాతం క్షీణత ఒక్క గురువారం ట్రేడింగ్ సెషన్లో కనిపించింది.

ఆపిల్ షేర్లు ఎందుకు పడిపోయాయి?
యాపిల్ షేర్ల పతనం వెనుక చైనా కారణమని తెలుస్తోంది. ప్రభుత్వ సంస్థలు, ప్రభుత్వ-మద్దతు గల ఏజెన్సీలు, రాష్ట్ర కంపెనీలలో ఐఫోన్ వినియోగాన్ని నిషేధించే ప్రణాళిక చైనాలో పరిగణించబడుతోంది. దేశంలోని ప్రభుత్వ అధికారులు, ప్రభుత్వ ఆధారిత కంపెనీల్లోని సభ్యులు.. ఐఫోన్స్​ని వాడకూడదని.. కొన్ని రోజుల క్రితం ఆదేశాలు జారీ చేసింది చైనా. ఈ నిషేధాన్ని ఇతర రంగాలకు కూడా విస్తరించే యోచనలో అక్కడి ప్రభుత్వం ఉన్నట్టు వార్తలు వస్తున్నాయి. ఇదే జరిగితే అమెరికాకు చెందిన కాలిఫోర్నియా కంపెనీ యాపిల్ భారీ నష్టాలను చవిచూడవచ్చు. ఈ భయం కారణంగా యుఎస్ మార్కెట్లలో ఈ జెయింట్ టెక్ కంపెనీ స్టాక్స్‌లో భారీ అమ్మకాలు కనిపించాయి. ఆపిల్ మార్కెట్ క్యాప్‌లో భారీ కోత ఏర్పడింది.

Read Also:Wi-Fi Router : నైట్ Wi-Fi రూటర్‌ని ఆఫ్‌ చేయడం లేదా? అయితే ప్రమాదంలో పడ్డట్లే..

ఐఫోన్ తయారీదారు ఆపిల్ చైనాను తన రెండవ అతిపెద్ద విదేశీ మార్కెట్‌గా పరిగణిస్తుంది. చైనా కూడా దాని ప్రపంచ ఉత్పత్తి స్థావరంగా కంపెనీకి చాలా ముఖ్యమైన స్థానాన్ని కలిగి ఉంది. చైనాలో ఈ ప్రభుత్వ ఆంక్షలు అమలు చేస్తే, కంపెనీ ఖచ్చితంగా ఆర్థిక నష్టాలను ఎదుర్కోవలసి ఉంటుంది.

యాపిల్ షేర్ల పరిస్థితి ఎలా ఉంది?
ఐఫోన్ తయారీదారు ఆపిల్ షేర్లు గురువారం 5.1 శాతం క్షీణించాయి. అంతకుముందు రోజు అంటే బుధవారం, దాని స్టాక్స్ సుమారు 2 శాతం పడిపోయాయి. అందువల్ల, రెండు రోజుల్లో ఆపిల్ స్టాక్స్ సుమారు 7 శాతం పడిపోయాయి. దీని కారణంగా కంపెనీ 200 బిలియన్ డాలర్లను కోల్పోయింది. నిన్న అమెరికా మార్కెట్లలో ట్రేడింగ్ ముగిసే సమయానికి Apple షేర్లలో రికవరీ తిరిగి వచ్చింది. ఇది 2.92 శాతంతో 177.56 అమెరికన్ డాలర్ల వద్ద ముగిసింది. అమెరికా మార్కెట్‌లలో బాండ్ల విక్రయం వంటి ఫెడరల్ రిజర్వ్ నిర్ణయాల ప్రభావాన్ని కంపెనీ భరించవలసి ఉంటుంది. కాబట్టి Apple షేర్లు మరింత పడిపోతున్నాయి. దీని కారణంగా పెట్టుబడిదారులు చిప్ కంపెనీలతో సహా యుఎస్ లిస్టెడ్ చైనా కంపెనీల షేర్లను విక్రయిస్తున్నారు.

Read Also:Non Vegetarian Food: ఐఐటీ మండీ డైరెక్టర్‌ వింత లాజిక్‌.. నాన్‌వెజ్‌ వల్లే ప్రకృతి విపత్తులు..!