వైసీపీ పార్టీ అధికారంలో ఉండగా రూ.100 కోట్ల పనుల్లో 30 శాతం పనులు పూర్తి చేశామని రాష్ట్ర అధికార ప్రతినిధి, మాజీ ఎమ్మెల్యే రాచమల్లు శివప్రసాద్‌రెడ్డి తెలిపారు. ఈ ఆరు నెలల్లో కూటమి ప్రభుత్వం ప్రొద్దుటూరుకు చేసిన అభివృద్ధి ఏమీలేదని విమర్శించారు. బడ్జెట్‌లో 6 లక్షల 46 వేల కోట్లు రాష్ట్రం అప్పుల్లో ఉందన్న కూటమి ప్రభుత్వం.. టీడీపీ 2019 నాటికి 4 లక్షల కోట్లు అప్పు పెట్టిపోయారన్నారు. వైసీపీ పార్టీ అధికారంలో ఉన్న 5 సంవత్సరాలలో 2 లక్షల 46 కోట్లు అప్పు చేసిందని శివప్రసాద్‌రెడ్డి చెప్పుకొచ్చారు.
‘వైసీపీ అధికారంలో ఉండగా 100 కోట్ల పనుల్లో 30 శాతం పనులు పూర్తి చేశాం. ఆరు నెలల్లో కూటమి ప్రభుత్వం ప్రొద్దుటూరుకు చేసిన అభివృద్ధి ఏమీలేదు. బడ్జెట్‌లో 6 లక్షల 46 వేల కోట్లు రాష్ట్రం అప్పుల్లో ఉంది అన్న కూటమి ప్రభుత్వం.. టీడీపీ అధికారం నుండి 2019 నాటికి 4 లక్షల కోట్లు అప్పు పెట్టిపోయారు. వైసీపీ పార్టీ అధికారంలో ఉన్న 5 సంవత్సరాలలో 2 లక్షల 46 కోట్లు అప్పు చేసింది. ప్రొద్దుటూరుకు వైఎస్సార్ పార్టీ ప్రభుత్వంలో 23 వేల మందికి ఇళ్ల పట్టాలు పంపిణీ చేసింది. మేము ఇంటి పట్టాల పంపిణీ, ఇళ్ల నిర్మాణంలో తప్పు చేసి ఉంటే మాపై విచారణ చేయించండి. 2014 నుండి 2019 నాటికి 4150 టిడ్కో స్కీంలో ఒక్క ఇంటి నిర్మాణం పూర్తి చేయలేదు. సూపర్ సిక్స్ అమలుపై ప్రజలకు జవాబు చెప్పండి ఎమ్మెల్యే గారు. ఉదయం నుండి రాత్రి వరకు ఉచిత ఇసుక తొలుకోవచ్చని ఎమ్మెల్యే వరద రాజుల రెడ్డి అన్నారు. ఎమ్మెల్యే వరద చెప్పిన ఇసుక రవాణాపై కలెక్టర్ స్పందించాలి’ అని రాచమల్లు శివప్రసాద్‌రెడ్డి డిమాండ్ చేశారు.