AP CM Jagan Tour: నేడు ముఖ్యమంత్రి వైఎస్ జగన్మోహన్ రెడ్డి గుంటూరులో పర్యటించనున్నారు. గుంటూరు పశ్చిమ ఎమ్మెల్యే మద్దాలి గిరిధర్ కుటుంబాన్ని సీఎం పరామర్శించనున్నారు. ఉదయం 9 గంటలకు తాడేపల్లి నివాసం నుంచి గుంటూరుకు సీఎం జగన్ బయలుదేరనున్నారు. శ్యామలానగర్లో గుంటూరు వెస్ట్ ఎమ్మెల్యే మద్దాలి గిరిధర్ నివాసంలో ఆయన కుటుంబ సభ్యులను పరామర్శించనున్నారు.
రేపు కొవ్వూరులో పర్యటించనున్న సీఎం.. షెడ్యూల్ ఇదే..
సీఎం జగన్ రేపు తూర్పుగోదావరి జిల్లాలోని కొవ్వూరులో పర్యటించనున్నారు. రేపు ఉదయం 8.30 గంటలకు గుంటూరు జిల్లా తాడేపల్లిలోని సీఎం క్యాంపు కార్యాలయం నుంచి హెలిప్యాడ్కు చేరుకుని అక్కడ నుంచి 8.40కి బయలుదేరి కొవ్వూరులోని కేజీఎం హైస్కూల్లో ఏర్పాటు చేసిన హెలిప్యాడ్కు ఉ.9.20కి చేరుకుంటారు. అనంతరం స్థానిక ప్రజాప్రతినిధులు, ఇతర అధికారులను కలుస్తారు.
ఇక్కడ నుంచి ఉ.9 30కి బయలుదేరి రోడ్ షో గా సత్యవతి నగర్లోని బహిరంగ సభ సభావేదికకు ఉ.9.40కి చేరుకుంటారు. ఉ.9.45 నుంచి ఉ.11.15 వరకు సభాస్థలి కార్యక్రమంలో ఇక్కడ లబ్ధిదారులతో ముఖాముఖి, ప్రముఖుల సందేశాలు, ముఖ్యమంత్రి సందేశం తదితర కార్యక్రమాల్లో పాల్గొంటారు. ఉ.11.20 గంటలకు సభా వేదిక నుంచి బయలుదేరి ఉ.11.30గంటలకు కొవ్వూరు – హెలిప్యాడ్కు చేరుకుంటారు. ఉ.11.30 నుంచి మ.12.00 వరకు స్థానిక ప్రజా ప్రతినిధులను కలుసుకుంటారు. మ.12.05 గంటలకు ఇక్కడ నుంచి బయలుదేరి తాడేపల్లి హెలిప్యాడ్కు మ.12.45 చేరుకుని తదుపరి సీఎం క్యాంపు కార్యాలయానికి మ.12.55 కు చేరుకుంటారు.