బాడీ ఫిట్‌గా, ఆరోగ్యంగా ఉండాలనుకుంటే ప్రతి రోజు వ్యాయామం చేయాలని వైద్య నిపుణులు సూచిస్తుంటారు. ఇటీవలి కాలంలో ఆరోగ్యంపై శ్రద్ధపెరగడంతో చాలామంది వ్యాయామం చేయడానికి ఇంట్రెస్ట్ చూపిస్తున్నారు. అయితే జిమ్‌కు వెళ్లడానికి లేదా భారీ వ్యాయామాలు చేయడానికి సమయం దొరకకపోతే, పుష్-అప్‌లు బెస్ట్ ఆప్షన్ గా చెప్పొచ్చు. ప్రతిరోజూ కేవలం 20 పుష్-అప్‌లు చేయడం ద్వారా శరీరంలో అద్భుతమైన మార్పులు వస్తాయంటున్నారు నిపుణులు. ఈ వ్యాయామం మీ శరీరాన్ని బలోపేతం చేయడమే కాకుండా, కండరాలు, జీవక్రియను మెరుగుపరుస్తుంది. మీరు ఒక నెల పాటు ప్రతి ఉదయం 20 పుష్-అప్‌లు చేయడం అలవాటు చేసుకుంటే, మొదటి వారం నుండే మీరు 5 అద్భుతమైన మార్పులను చూస్తారు.
Also Read:Hamas: నిరసనలకు భయపడి సొంత ప్రజల్ని చంపేస్తున్న ‘‘హమాస్’’
కండరాలు దృఢంగా..
రోజూ పుష్-అప్స్ చేయడం వల్ల మీ కండరాలు బలపడతాయి. ముఖ్యంగా ఛాతీ, భుజాలు, వీపు, చేతులు దృఢంగా మారుతాయి. క్రమం తప్పకుండా 20 పుష్-అప్‌లు చేసినప్పుడు శరీరం క్రమంగా బలంగా మారుతుంది. దీని కారణంగా మీరు రోజంతా మరింత చురుకుగా, ఎనర్జిటిక్ గా ఉంటారు. జిమ్‌కి వెళ్లకుండానే మీ శరీరం ఫిట్‌గా, టోన్‌గా కనిపించాలంటే, పుష్-అప్‌లు మీకు ఉత్తమ వ్యాయామం. ఇది ఛాతీ, భుజాలు, ట్రైసెప్స్, బైసెప్స్ మరియు కోర్ కండరాలను టోన్ చేయడంలో సహాయపడుతుంది. వెన్నెముక, ఉదర కండరాలను బలపరుస్తుంది.
Also Read:Uttam Kumar Reddy : తెలంగాణ కేబినెట్ విస్తరణ.. మంత్రి ఉత్తమ్‌ కీలక వ్యాఖ్యలు
పొట్ట దగ్గర కొవ్వు తగ్గుతుంది
పొట్ట దగ్గర కొవ్వు తగ్గించుకోవాలనుకుంటే, పుష్-అప్‌లు మీకు సహాయపడతాయి. ఇది కడుపు, భుజాలు, నడుము వద్ద కొవ్వును వేగంగా తగ్గించడంలో సహాయపడుతుంది. పుష్-అప్స్ చేయడం వల్ల శరీర జీవక్రియ పెరుగుతుంది. ఇది కొవ్వును వేగంగా కరిగించడానికి సహాయపడుతుంది. సరైన ఆహారం, తేలికపాటి కార్డియో వ్యాయామాలతో కలిపితే, బరువు తగ్గించడంలో ఇది చాలా ప్రభావవంతంగా ఉంటుందని వెల్లడైంది.
గుండె ఆరోగ్యం మెరుగ్గా ఉంటుంది
పుష్-అప్‌లు మీ కండరాలను బలోపేతం చేయడమే కాకుండా, మీ గుండెను కూడా ఆరోగ్యంగా ఉంచుతాయి. మీరు పుష్-అప్స్ చేసినప్పుడు, శరీరంలో రక్త ప్రసరణ మెరుగుపడుతుంది. పుష్-అప్స్ చేయడం వల్ల ఎండార్ఫిన్లు విడుదలవుతాయి. ఇవి మిమ్మల్ని సంతోషంగా, శక్తివంతంగా ఉంచుతాయి. ఇది ఒత్తిడి, ఆందోళన, నిరాశ వంటి మానసిక సమస్యలతో పోరాడటానికి సహాయపడుతుంది.
ప్రతిరోజూ 20 పుష్-అప్‌లు ఎలా చేయాలి?
మీకు పుష్-అప్స్ చేసే అలవాటు లేకపోతే, ప్రారంభంలో కష్టంగా ఉండవచ్చు. కానీ అలవాటు పడిన కొద్దీ సులభం అవుతుంది.
మొదటి రోజు 5-10 పుష్-అప్‌లతో ప్రారంభించండి. ఆపై ప్రతిరోజూ 1-2 పెంచండి.
పుష్-అప్స్ చేస్తున్నప్పుడు, శరీరాన్ని నిటారుగా ఉంచి, చేతులను 90 డిగ్రీల కోణంలో వంచండి.
క్రిందికి వెళ్ళేటప్పుడు గాలి పీల్చుకోండి, పైకి వచ్చేటప్పుడు గాలిని వదలండి.
మీరు 20 పుష్-అప్‌లను నేరుగా చేయడం కష్టంగా అనిపిస్తే, వాటిని ఒక్కొక్కటి 10 చొప్పున 2 సెట్‌లలో చేయండి.
