AA 22 : అల్లు అర్జున్ టైటిల్ అనౌన్స్మెంట్ కు టైమ్ ఫిక్స్

  ఐకాన్ స్టార్ అల్లు అర్జున్ పుట్టినరోజు ఏప్రిల్ 8 వేడుకలు ఒక రోజు ముందే మొదలయ్యాయి. గత కొన్ని రోజులుగా సోషల్ మీడియాలో వినిపిస్తున్న క్రేజీ కాంబినేషన్ – అల్లు అర్జున్ మరియు కోలీవుడ్ సెన్సేషనల్ డైరెక్టర్ అట్లీ సినిమాకు సంబంధించి ఈరోజు ఒక కీలక ప్రకటన వెలువడనుంది. ఈ రోజు ఉదయం 11 గంటలకు ఈ సినిమా టైటిల్ కు సంబంధించి ఒక భారీ అనౌన్స్‌మెంట్ చేయబోతున్నాట్టు నిర్మాణ సంస్థ సన్ పిక్చర్స్ ఇప్పటికే అధికారికంగా ప్రకటించింది. రేపు (ఏప్రిల్ 8) అల్లు అర్జున్ పుట్టినరోజు కావడంతో, దానికి ఒకరోజు ముందే ఈ ట్రీట్ ప్లాన్ చేశారు.

Also Read : IPL Effect : సినిమా కలెక్షన్స్‌కు గండికొడుతున్న ఐపీయల్

AA 22 ఒక హై-వోల్టేజ్ యాక్షన్ ఎంటర్టైనర్ అని అట్లీ మార్క్ మాస్ ఎలిమెంట్స్‌తో పాటు భారీ VFX ఉండబోతున్నాయని సమాచారం. సోషల్ మీడియాలో ఈ ప్రాజెక్ట్‌కు సంబంధించి ఇప్పటికే కొన్ని పేర్లు వైరల్ అవుతున్నాయి. వాటిలో ‘అయాన్’ ‘లెగసీ‘ అనే టైటిల్స్ ప్రముఖంగా వినిపిస్తున్నాయి. జవాన్ వంటి భారీ హిట్ తర్వాత అట్లీ తీస్తున్న సినిమా కావడంతో అల్లు అర్జున్‌ను ఆయన ఏ రేంజ్‌లో చూపిస్తారో అని అభిమానులు వెయ్యి కళ్లతో ఎదురుచూస్తున్నారు. ఈ సినిమాలో అల్లు అర్జున్ సరసన దీపికా పదుకొణె హీరోయిన్‌గా నటిస్తోంది. అలాగే ఇతర కీలక పాత్రల్లో మృణాల్ ఠాకూర్, జాన్వీ కపూర్ వంటి స్టార్స్ కనిపిస్తారని టాక్. కోలీవుడ్ మ్యూజిక్ సెన్సేషన్ గా సాయి అభ్యంకర్ ఈ చిత్రానికి సంగీతం అందిస్తున్నారు. బన్నీ – అట్లీ ఎలాంటి కథతో వస్తారో ఎలాంటి టైటిల్ ఫిక్స్ చేస్తారోనని ఫ్యాన్స్ ఈగర్ గా ఎదురుచూస్తున్నారు.