IPL Effect : సినిమా కలెక్షన్స్కు గండికొడుతున్న ఐపీఎల్
వేసవి కాలం వచ్చిందంటే చాలు.. అటు థియేటర్లు సినిమాలతో, ఇటు టీవీలు క్రికెట్ మ్యాచ్లతో సందడిగా ఉంటాయి. అయితే ఈ ఏడాది IPL (ఇండియన్ ప్రీమియర్ లీగ్) ప్రభావం బాక్సాఫీస్ కలెక్షన్లపై తీవ్రంగా కనిపిస్తోంది. ముఖ్యంగా వీకెండ్లో వస్తున్న భారీ మ్యాచ్ల వల్ల ప్రేక్షకులు థియేటర్లకు రావడం తగ్గడంతో, బ్లాక్బస్టర్ హిట్గా నిలిచిన చిత్రాలు సైతం వసూళ్ల విషయంలో ఇబ్బందులు ఎదుర్కొంటున్నాయి.
Also Read : Lip Kiss Incident : స్టార్ హీరోయిన్కు పబ్లిక్ వేదికపై బలవంతంగా ముద్దు పెట్టిన అభిమాని
ప్రస్తుతం బాక్సాఫీస్ వద్ద దూసుకుపోతున్న ‘ధురంధర్ 2’ చిత్రానికి ఐపీఎల్ పెద్ద అడ్డంకిగా మారింది. వీక్డేస్లో రోజుకు సగటున రూ. 20 కోట్లు వసూళ్లు రాబడుతున్న ఈ చిత్రం వీకెండ్లో మరిన్ని రికార్డులు సృష్టిస్తుందని భావించారు. కానీ గత శనివారం రూ. 27 కోట్లు, ఆదివారం రూ. 30 కోట్లు వసూలు చేసినప్పటికీ అంచనాల కంటే ఇది చాలా తక్కువ. వీకెండ్లో క్రేజీ మ్యాచ్లు ఉండటంతో క్రికెట్ ప్రేమికులు బయటకు రాకపోవడమే దీనికి ప్రధాన కారణం. ఐపీఎల్ ఎఫెక్ట్ వల్ల ఈ సినిమా కనీసం రూ. 10-15 కోట్లు వసూళ్లను కోల్పోయినట్లు ట్రేడ్ వర్గాలు విశ్లేషిస్తున్నాయి.
టాక్ బాగున్నా.. కలెక్షన్లు శూన్యం :
ఇక తాజాగా విడుదలైన ‘రాకాస’, ‘బైకర్’ చిత్రాలకు ప్రేక్షకుల నుంచి పాజిటివ్ టాక్ లభించింది. ‘బైకర్’ రివ్యూ రేటింగ్స్ కూడా ఆశాజనకంగా ఉన్నప్పటికీ ఐపీఎల్ ఫీవర్ వల్ల కలెక్షన్లలో ఆ జోరు కనిపించడం లేదు. రాకాస ఈ వీకెండ్కే బ్రేక్ ఈవెన్ అవుతుందని అంచనా వేశారు. కానీ ప్రస్తుత పరిస్థితి చూస్తుంటే మరో 4-5 రోజులు పట్టేలా ఉంది. ఈ నెల 10న ‘డెకాయిట్’, ‘లవ్ ఇన్సూరెన్స్ కంపెనీ‘ వంటి చిత్రాలు విడుదలకు సిద్ధంగా ఉన్నాయి. సమ్మర్ సీజన్ కావడంతో భారీ వసూళ్లు వస్తాయని మేకర్స్ ఆశించినా. ఐపీఎల్ అడ్డు తగులుతుండటంతో నిర్మాతలు ఆందోళన చెందుతున్నారు. ఎంత పాజిటివ్ టాక్ వచ్చినా, సాయంత్రం వేళల్లో జరిగే మ్యాచ్ల వల్ల కలెక్షన్లకు గండి పడుతోంది. దాంతో ఎంతో ఉత్సాహంగా సాగాల్సిన సమ్మర్ సినిమా సీజన్ ఐపీఎల్ ధాటికి వెలవెలబోతోంది.