TG ICET: టీజీ ఐసెట్ అడ్మిషన్స్ కౌన్సెలింగ్ తుది విడత సీట్ల కేటాయింపు

టీజీ ఐసెట్ అడ్మిషన్స్ కౌన్సెలింగ్ తుది విడత సీట్లు కేటాయించారు. ఎంబీఏలో 28345 & ఎంసీఏలో6966 మొత్తం 35,311 సీట్లు ఉండగా.. ఎంబీఏ కోర్సులో మొత్తం 25747, ఎంసీఏ కోర్సులో 6095 సీట్లు భర్తీ అయ్యాయి. మొత్తం 31842 సీట్లు కేటాయించారు. ఇంకా.. ఎంసీఏలో 2598 , ఎంసీఏలో 871 కలిపి మొత్తం 3469 సీట్లు ఖాళీగా ఉన్నాయి. కాగా.. 99 కాలేజీల్లో వంద శాతం సీట్లు భర్తీ అయినట్లు అధికారులు తెలిపారు.

READ MORE: Konda Surekha: గత పాలకుల విమర్శలు పట్టించుకోం.. మా పని మేము చేసుకుంటూ పోతున్నాం

ఇదిలా ఉండగా.. ఈ ఏడాది తెలంగాణ ఇంటిగ్రేటెడ్ కామన్ ఎంట్రన్స్ టెస్ట్ కోసం 86,514 మంది అభ్యర్థులు నమోదు చేసుకున్నారు. వీరిలో సుమారు 77942 మంది అభ్యర్థులు రెండు రోజుల పాటు TG ICET 2024 పరీక్షకు హాజరయ్యారు. తెలంగాణ ఎంబీఏ కేంద్రీకృత కౌన్సెలింగ్ ప్రక్రియకు ప్రాథమిక అర్హత షరతుకు అనుగుణంగా 71,647 మంది ఉత్తీర్ణులయ్యారు. టీజీ ఐసెట్‌ 2024 పరీక్షలు తెలంగాణ, ఆంధ్రప్రదేశ్‌లోని 116 పరీక్షా కేంద్రాలలో జూన్‌ 5, 6 తేదీల్లో నిర్వహించారు.