Naga Chaitanya-Sobhita: నాగచైతన్య, శోభితా పెళ్లి.. అవన్నీ రూమర్స్!

టాలీవుడ్ హీరో నాగచైతన్య, హీరోయిన్ శోభితా ధూళిపాళ్లలు మరో వారంలో వివాహబంధంలోకి అడుగుపెట్టనున్నారు. 2024 డిసెంబరు 4న హైదరాబాద్‌లోని అన్నపూర్ణ స్టూడియోస్‌లోనే పెళ్లి జరగనుంది. చై, శోభితా పెళ్లి పెళ్లి పనులు ఇప్పటికే మొదలవ్వగా.. అన్నపూర్ణ స్టూడియోస్‌లో భారీగా ఏర్పాట్లు జరుగుతున్నాయి. ఈ సమయంలో పెళ్లి గురించి సోషల్‌ మీడియాలో ఓ న్యూస్ వైరల్‌గా మారింది. ఆ కథనాలపై చై టీమ్‌ స్పందించి.. అవన్నీ రూమర్స్ అని కొట్టిపారేసింది.

తాజాగా ‘నయనతార: బియాండ్ ద ఫెయిరీ టేల్’ పేరిట నయన్ తన జీవితాన్ని డాక్యుమెంటరీగా తీసి నెట్‌ఫ్లిక్స్‌లో రిలీజ్ చేశారు. అందులో నయనతార పెళ్లి వీడియోని కూడా చూపించారు. ఈ క్రమంలోనే నాగచైతన్య-శోభిత పెళ్లిని కూడా నెట్‍‌ఫ్లిక్స్ ఓటీటీలో ప్రసారం చేయనుందనే రూమర్ చక్కర్లు కొట్టింది. డాక్యుమెంటరీ కోసం నెట్‌ఫ్లిక్స్‌ రూ.50 కోట్లు ఖర్చుపెట్టిందని కథనాలు వచ్చాయి. తాజాగా చై టీమ్ ఆ కథనాలకు చెక్‌ పెట్టింది. సోషల్ మీడియా ప్రచారంలో ఎలాంటి నిజం లేదని, ఎలాంటి హంగూ ఆర్భాటాలు లేకుండా సింపుల్‌గా పెళ్లి చేసుకోవాలని చైతన్య-శోభిత జంట ఉందని తెలిపింది.

అన్నపూర్ణ స్టూడియోస్‌లోని ఏఎన్నార్ విగ్రహం ఎదురుగా శోభిత మెడలో నాగచైతన్య మూడుముళ్లు వేయనున్నారు. ఏఎన్నార్ ఆశీస్సులు ఉండాలనే భావనతోనే ఇరు కుటుంబాల పెద్దలు ఈ నిర్ణయం తీసుకున్నారు. కుటుంబసభ్యులతో పాటు దాదాపు 300 మంది సన్నిహితులు, సినీ ప్రముఖులు ఈ వివాహానికి హాజరుకానున్నారు. ఇందుకోసం ప్రత్యేకంగా ఏర్పాట్లు చేశారు. ప్రస్తుతం చైతన్య ‘తండేల్’ సినిమా చేస్తున్నారు. దీని తర్వాత విరూపాక్ష దర్శకుడితో సినిమా చేయనున్నారు. తన్య-శోభితలు ఇప్పుడు పెళ్లి పనులతో బిజీగా ఉన్నారు.