Toxic: యశ్ ‘టాక్సిక్’ పై రుక్మిణి వసంత్ క్రేజీ కామెంట్స్..

రాకింగ్ స్టార్ యశ్, డైరెక్టర్ గీతూ మోహన్‌దాస్ కాంబినేషన్‌లో వస్తున్న భారీ బడ్జెట్ మూవీ ‘టాక్సిక్’. గోవా బ్యాక్‌డ్రాప్‌లో సాగే ఈ గ్యాంగ్‌స్టర్ డ్రామా ఇప్పటికే షూటింగ్ శరవేగంగా జరుపుకుంటోంది. 1950ల కాలం నాటి సెటప్‌ను కళ్ళకు కట్టినట్లు చూపించేందుకు చిత్రయూనిట్ భారీ సెట్టింగులు వేసింది. కెవిఎన్ ప్రొడక్షన్స్ నిర్మిస్తున్న ఈ చిత్రంలో కన్నడ సెన్సేషన్ హీరోయిన్ రుక్మిణి వసంత్ కూడా భాగమైన సంగతి తెలిసిందే. అయితే తాజాగా ఈ ప్రాజెక్టు గురించి ఆమె స్వయంగా స్పందిస్తూ చేసిన ట్వీట్ ఇప్పుడు వైరల్ అవుతోంది.

రుక్మిణి వసంత్ తన ట్వీట్‌లో.. ‘నేను ‘టాక్సిక్’ సినిమా కోసం చాలా ఉత్సాహంగా ఎదురుచూస్తున్నాను. ఇది ఊహకందని స్థాయిలో తెరకెక్కుతున్న ప్రాజెక్ట్. యశ్, గీతూ మోహన్‌దాస్ సృష్టిస్తున్న ఆ కొత్త ప్రపంచాన్ని చూడటానికి నేను కూడా ఎంతో ఆత్రుతగా ఉన్నాను’ అని పేర్కొన్నారు. కేవలం నటిగానే కాకుండా, ఒక సినిమా ప్రేమికురాలిగా ఈ చిత్రంపై ఆమె చూపిస్తున్న ఆసక్తి అభిమానుల్లో అంచనాలను మరింత పెంచేసింది. మనకు తెలిసి గీతూ మోహన్‌దాస్ తన చిత్రాల్లో మహిళా పాత్రలను ఎంతో పవర్‌ఫుల్‌గా డిజైన్ చేస్తారు.. కావున ఈ సినిమాలో రుక్మిణి వసంత్ పాత్ర చాలా విభిన్నంగా ఉండబోతోందని సమాచారం. మరి యశ్ లాంటి మాస్ హీరో పక్కన రుక్మిణి లాంటి క్లాసిక్ బ్యూటీ ఎలా కనిపిస్తుందో చూడాలి.