Reliance Retail: అబుదాబి ఇన్వెస్ట్మెంట్ అథారిటీకి(ADIA) చెందిన రిలయన్స్ రిటైల్ వెంచర్స్ లిమిటెడ్ (RRVL) రూ.4,966.80 కోట్ల పెట్టుబడి పెట్టనుంది. ఈ డీల్లో అబుదాబి కంపెనీ రిలయన్స్ రిటైల్ వెంచర్స్ లిమిటెడ్లో 0.59 శాతం ఈక్విటీని కొనుగోలు చేస్తుంది. ఈ పెట్టుబడి RRVL ప్రీ-మనీ ఈక్విటీ విలువలో చేయబడుతుంది. ఇది రూ. 8.381 లక్షల కోట్లుగా అంచనా వేయబడింది. దేశంలో ఈక్విటీ విలువ పరంగా మొదటి నాలుగు కంపెనీల్లో రిలయన్స్ రిటైల్ వెంచర్స్ లిమిటెడ్ చేరడం గమనార్హం.
ముఖేష్ అంబానీకి చెందిన రిలయన్స్ ఇండస్ట్రీస్ కింద నిర్వహించబడుతున్న రిలయన్స్ రిటైల్కు ఇషా అంబానీ అధిపతిగా ఉన్నారు. రిలయన్స్ రిటైల్ గత కొన్ని సంవత్సరాలుగా తన వ్యాపారాన్ని వేగంగా విస్తరించింది. RRVL దాని అనుబంధ సంస్థలు, అసోసియేట్ల ద్వారా వేగంగా అభివృద్ధి చెందుతున్న, అత్యంత లాభదాయకమైన రిటైల్ వ్యాపారాలలో ఒకటిగా పనిచేస్తుంది. రిలయన్స్ రిటైల్ కంపెనీకి 18,500 కంటే ఎక్కువ స్టోర్లు ఉన్నాయి. డిజిటల్ కమర్షియల్ ప్లాట్ఫారమ్ రిజిస్టర్డ్ నెట్వర్క్తో కంపెనీ 26.7 కోట్ల మంది వినియోగదారులకు సేవలు అందిస్తోంది. RRVL తన న్యూ కామర్స్ వ్యాపారం ద్వారా 30 లక్షలకు పైగా చిన్న, అసంఘటిత వ్యాపారులను డిజిటల్ ప్రపంచంతో అనుసంధానించింది. తద్వారా ఈ వ్యాపారులు తమ వినియోగదారులకు మంచి ధరలకు ఉత్పత్తులను అందించగలరు.
Read Also:CM YS Jagan Meet Amit Shah: ఢిల్లీలో సీఎం జగన్ మకాం.. అమిత్షాతో గంట పాటు చర్చలు
రిలయన్స్ రిటైల్ వెంచర్స్ లిమిటెడ్లో పెట్టుబడిదారుడిగా ADIA నిరంతర మద్దతు మా సంబంధాన్ని మరింతగా పెంచిందని ఇషా అంబానీ అన్నారు. ఈ మొత్తం ప్రపంచ స్థాయిలో దీర్ఘకాలంలో కంపెనీకి ప్రయోజనం చేకూరుస్తుంది. అలాగే, భారతీయ రిటైల్ రంగంలో మార్పులు వేగవంతమవుతాయి. RRVLలో ADIA పెట్టుబడి భారతీయ ఆర్థిక వ్యవస్థ, మా వ్యాపారం ప్రాథమిక అంశాలు, వ్యూహం, సామర్థ్యాలపై వారి విశ్వాసానికి మరింత నిదర్శనం. ADIA ప్రైవేట్ ఈక్విటీ డిపార్ట్మెంట్ ఎగ్జిక్యూటివ్ డైరెక్టర్ హమద్ షాహ్వాన్ అల్ధహేరి మాట్లాడుతూ.. వేగంగా అభివృద్ధి చెందుతున్న మార్కెట్లో రిలయన్స్ రిటైల్ మంచి పనితీరును అందించిందని అన్నారు. ఈ పెట్టుబడిలో ప్రత్యేక మార్పు వస్తుందన్నారు. ఈ డీల్ కోసం రిలయన్స్ రిటైల్ వెంచర్స్ లిమిటెడ్కు మోర్గాన్ స్టాన్లీ ఆర్థిక సలహాదారుగా వ్యవహరించారు.
Read Also:Kukatpally Fire Accident : కూకట్పల్లిలో భారీ అగ్ని ప్రమాదం
