Bigg Boss Telugu 8: చాలా డిసప్పాయింట్ చేశా.. క్షమించాలే: సిద్దిపేట పోరడు
- మూడో వారం నుంచి అభయ్ నవీన్ ఎలిమినేట్
- అభిమానులకు క్షమాపణలు చెప్పిన సిద్దిపేట పోరడు
- బిగ్బాస్ నుంచి భారీగానే పారితోషకం
Abhay Naveen Video Goes Viral after Eliminated From Bigg Boss Telugu 8: బుల్లితెర ప్రముఖ రియాలిటీ షో ‘బిగ్బాస్’ సీజన్ 8 మూడో వారం నుంచి అభయ్ నవీన్ ఎలిమినేట్ అయిన విషయం తెలిసిందే. ఈ వారం నామినేషన్స్లో అభయ్ నవీన్, విష్ణు ప్రియ, నైనిక, పృథ్వీరాజ్, ప్రేరణ, యష్మి, నాగ మణికంఠ, కిర్రాక్ సీత ఉండగా.. ప్రేక్షకులను నుంచి అతి తక్కువ ఓట్లు వచ్చిన సిద్దిపేట పోరడు ఎలిమినేట్ అయ్యాడు. ఈ సీజన్లోని మొదటి రెండు వారాలు మంచి పోటీ ఇచ్చేలా కనిపించిన అభయ్.. మూడో వారం వచ్చేసరికి పిచ్చిపిచ్చిగా ప్రవర్తించి హౌస్ నుంచి బయటకు వచ్చేశాడు. హౌస్ నుంచి బయటకు వచ్చిన అతడు అభిమానులకు క్షమాపణలు చెప్పాడు.
ఎలిమినేషన్ తర్వాత అభయ్ నవీన్ తన ఇన్స్టాగ్రామ్లో ఓ వీడియోను రిలీజ్ చేశాడు. ‘ముందుగా అభిమానులకు క్షమాపణలు. నేను బిగ్బాస్ హౌస్ నుంచి బయటకు వచ్చాక తెలిసింది. హౌస్లో నేను ఇంకా ఎక్కువ రోజులు ఉంటానని మీరు అనుకున్నారని. మిమ్మల్ని నిరాశపరచినందుకు క్షమించాలి. హౌస్లోకి వెళ్లే ముందు నేను ఓ మాట చెప్పా. ”హౌస్ నుంచి బయటకు వెళ్లినా కూడా దిల్ దార్ ఉంటా. అది నచ్చితే లోపల ఉంటా లేదంటే ఉండనని” దురదృష్టవశాత్తూ బయటకు వచ్చాను. ఓట్లు వేసి నన్ను సపోర్ట్ చేసిన మీ అందరికీ థ్యాంక్స్. బిగ్బాస్ హౌస్ నుంచి మీకు దగ్గరయ్యా. సినిమాలతో మరింత దగ్గరవుతా. ఎప్పుడూ మిమ్మల్ని ఎంటర్టైన్ చేస్తూనే ఉంటా. నా సోషల్ మీడియాలో అప్పుడప్పుడు మిమ్మల్ని పలకరిస్తుంటా’ అంటూ అభయ్ చెప్పుకోచ్చాడు.
Also Read: Mahesh Babu Look: ఎమన్నా ఉన్నాడా.. హాలీవుడ్ మెటీరియల్! మహేష్ బాబు నయా లుక్ అదుర్స్
మూడు వారాలకే బిగ్బాస్ హౌస్ నుంచి వెళ్లిపోయినా.. అభయ్ నవీన్కు భారీగానే పారితోషకం అందిందని తెలుస్తోంది. హౌస్లో ఉన్నందుకు గాను రోజుకు రూ. 28,571 తీసుకున్నాడట. అంటే వారానికి రెండు లక్షల రెమ్యునరేషన్ అందుకుంటాడు. మూడు వారాలకు 6 లక్షల రెమ్యూనిరేషన్. అభయ్ బిగ్బాస్ నుంచి 6 లక్షలు సంపాదించాడు. తొలి రెండు వారాల్లో బెజవాడ బేబక్క, శేఖర్ భాషాలు ఎలిమినేట్ అయిన విషయం తెలిసిందే.
View this post on Instagram