Gun Fire: అమెరికాలో కాల్పుల మోత.. ఓ విద్యార్థి మృతి

Gun Fire: అమెరికాలో మరోసారి కాల్పులు కలకలం సృష్టించాయి. గ్రీన్స్‌బర్గ్‌లోని ఓ పాఠశాలలో జరిగిన కాల్పుల్లో ఒక విద్యార్థి మృతి చెందాడు. మరో ఇద్దరికి గాయాలయ్యాయి. ఈ ఘటన లూసియానా హైస్కూల్‌లో చోటుచేసుకున్నట్లు సమాచారం తెలుస్తోంది. అయితే మృతుడు, క్షతగాత్రుల వివరాలపై అధికారులు ఇంకా క్లారిటీ ఇవ్వలేదు. ఈ ఘటనకు సంబంధించి కాల్పులు జరిపిన వ్యక్తిని అధికారులు అరెస్టు చేశారు. ఈ ఘటన జరగడంతో.. శుక్రవారం వరకు పాఠశాలకు సెలవులు ప్రకటించారు.

Read Also: MLC Kavitha: ఈడీ నోటీసులపై స్పందించిన ఎమ్మెల్సీ కవిత

కాల్పుల ఘటన మంగళవారం జరగగా.. ఈ ఘటన అనంతరం అనుమానాస్పద దాడికి పాల్పడిన 14 ఏళ్ల విద్యార్థిని అరెస్టు చేశారు. అంతేకాకుండా ఘటనపై అధికారులు ఆరా తీస్తున్నారు. ఇది చాలా సున్నితమైన సంఘటన అని అధికారి తెలిపారు. మృతుల కుటుంబాలకు ప్రగాఢ సానుభూతి ప్రకటించారు. ఈ కాల్పులకు గల కారణాలు తెలియనప్పటికీ.. విచారణ తర్వాతే విషయాలు బయటపెడతామని అధికారులు చెబుతున్నారు. మరోవైపు కాల్పుల ఘటనపై గవర్నర్ జాన్ బెల్ ఎడ్వర్డ్స్ మాట్లాడుతూ.. మంగళవారం మధ్యాహ్నం 3 గంటల ప్రాంతంలో కాల్పులు జరిగిందని తెలిపారు. ఈ ఘటన చాలా ఖండించదగినదనీ, ఇక్కడి ప్రజలు నా ఇంటికి, నా హృదయానికి దగ్గరగా ఉన్నారని ఆయన తెలిపారు. ఎనిమిదేళ్లుగా తాను ఈ ప్రాంతానికి ప్రాతినిధ్యం వహిస్తున్నానని పేర్కొన్నారు.

Read Also: Udayanidhi Stalin: హిందీ భారతదేశాన్ని ఏకం చేస్తుందని చెప్పడం అసంబద్ధం

ఇదిలా ఉంటే ఈ ఘటన జరగడంతో.. శుక్రవారం వరకు పాఠశాల తరగతులను రద్దు చేసినట్లు పాఠశాల యాజమాన్యం తెలిపింది. అంతేకాకుండా.. క్రీడలకు సంబంధించిన సమావేశాలను కూడా రద్దు చేశారు. గన్ కల్చర్ మనందరినీ ప్రభావితం చేస్తుందని ఏరియా ప్రతినిధి ట్రాయ్ కార్టర్ ఈ ఘటనను ఖండించారు.