Murder : జూనియర్ ఆర్టిస్ట్ హత్య.. భర్తే చంపి ఆత్మహత్యగా చిత్రీకరించే ప్రయత్నం

సినిమా ఆర్టిస్టు హత్యకు గురయ్యారు. ఆర్టిస్ట్ ని చంపేసి ఆత్మహత్యగా భర్త చిత్రీకరించే ప్రయత్నం చేశారు చివరికి కూతురు ఇచ్చిన ఫిర్యాదుతో హత్య ఉదంతం వెలుగులోకి వచ్చింది.. జూనియర్ ఆర్టిస్ట్ అనురాధ ను హత్య భర్త చేసి పారిపోయాడు. పరారీలో భర్త శివరామయ్య కోసం నాలుగు బృందాలు గాలిస్తున్నాయి. చిత్ర పరిశ్రమలో జూనియర్ ఆర్టిస్టుగా పనిచేసిన 36 సంవత్సరాల మహిళను అతని భర్త గొంతు నులిమి చంపాడు. రంగారెడ్డి జిల్లా షాద్ నగర్ పట్టణంలోని మల్లికార్జున కాలనీకి చెందిన మద్దూరి అనురాధ (36) హత్యకు గురైనట్లు పట్టణ సీఐ విజయ్ కుమార్ తెలిపారు. మల్లికార్జున కాలనీలో నివాసం ఉంటున్న మద్దూరి అనురాధ, శివరామయ్య దంపతులు తరచుగా గొడవపడేవారని వివరించారు. చిత్ర పరిశ్రమలో జూనియర్ ఆర్టిస్టుగా పనిచేసిన అనురాధ పై భర్త శివరామయ్య అనేక అనుమానాలు వ్యక్తం చేసేవాడని ఈ విషయంలో అనేక గొడవలు జరిగేవని కూతురు నందిని ఇచ్చిన ఫిర్యాదులో పేర్కొన్నట్టు తెలిపారు.

Ruhani Sharma: వామ్మో, రుహానీ ఏంటి ఇలా చేసింది.. వీడియోలు వైరల్!

సోమవారం ఉదయం 9 గంటల సమయంలో కూతురు నందిని కి ఫోన్ వెళ్ళిందని తల్లి అనురాధ ఆత్మహత్య చేసుకున్నట్టు తండ్రి ఫోన్ చేశాడని, బంధువులు అందరూ వచ్చి చూసే వరకు తన తండ్రి శివరామయ్య లేడని పేర్కొన్నారు. ఫ్యానుకు చీర కట్టి ఉందని శవం మాత్రం బెడ్ రూమ్ లో ఉన్నట్టు పోలీసులు తెలిపారు. అయితే అనుమానం వచ్చిన కుటుంబ సభ్యులు ఆమె మృతదేహాన్ని పరిశీలించగా గొంతు నిలిమి చంపిన ఆనవాళ్లు కనిపించాయని పేర్కొన్నారు. దీనికి తన తండ్రి శివరామయ్య కారణమని తన తల్లిని హత్య చేసినట్టు కూతురు నందిని పోలీసులకు ఫిర్యాదు చేయగా, దీనిపై హత్యకేసు నమోదు చేసి దర్యాప్తు జరుగుతున్నట్లు సీఐ విజయకుమార్ తెలిపారు. నిందితున్ని గాలించేందుకు ప్రత్యేక పోలీసు బృందాన్ని ఏర్పాటు చేసినట్టు సీఐ తెలిపారు.

Minister Savitha: గుడ్‌న్యూస్‌.. ఏపీలో త్వరలో నూతన టెక్స్‌టైల్, అపెరల్, గార్మెంట్స్ పాలసీ