Russia-Ukraine War: ఉక్రెయిన్‌ డ్రోన్ దాడులకు పాల్పడుతుందనే అనుమానంతో రష్యా మాస్కోలోని రెండు విమానాశ్రయాల్లో రాకపోకలను తాత్కాలికంగా నిలిపివేసింది. రష్యా రాజధాని మాస్కోకు నైరుతి దిశలో 150 కిలోమీటర్ల దూరంలో ఉన్న వ్నుకోవో విమానాశ్రయం, కలుగా విమానాశ్రయాల్లో విమానాలను తాత్కాలికంగా నిలివేశారు. ఈ రోజు ఉదయం 10.50 నుంచి విమానాలపై ఆంక్షలు తొలగించబడ్డాయని, ప్రస్తుతం విమానాశ్రయం సాధారణంగా పని చేస్తోందని వ్నుకోవో విమానాశ్రయం అధికారులు వెల్లడించారు.
Also Read: Raghav Chadha: రాజ్యసభ నుంచి ఆప్‌ ఎంపీ రాఘవ్ చద్దా సస్పెన్షన్
అంతకుముందు విమానాశ్రయం నియంత్రణకు మించిన కారణాల వల్ల అన్ని విమానాలను సస్పెండ్ చేయవలసి వచ్చిందని విమానాశ్రయం పేర్కొంది. కొన్ని విమానాలు మాస్కో ప్రాంతంలోని ఇతర విమానాశ్రయాలకు దారి మళ్లించబడ్డాయని వెల్లడించింది. రష్యా రాజధానిపై డ్రోన్‌ను కూల్చివేసినట్లు మాస్కో మేయర్ తర్వాత తెలిపారు. విమానాశ్రయాల మూసివేతకు దీనికి సంబంధం ఉందా లేదా అనేది వెంటనే స్పష్టంగా తెలియలేదు. మే ప్రారంభంలో క్రెమ్లిన్‌పై డ్రోన్ దాడి జరిగినప్పటి నుంచి రష్యాలో ఎక్కువగా డ్రోన్ వైమానిక దాడులు పెరిగాయి. మే తర్వాత రాజధానిలోని పౌర ప్రాంతాలు దెబ్బతిన్నాయి. ఈ నెల ప్రారంభంలో మూడు రోజులలో రెండుసార్లు మాస్కో వ్యాపార జిల్లాను లక్ష్యంగా చేసుకున్నారు.
మాస్కో, క్రిమియాలోని అతిపెద్ద నగరంపై దాడి చేయడానికి ప్రయత్నిస్తున్న 13 ఉక్రేనియన్ డ్రోన్‌లను కూల్చివేసినట్లు రష్యా గురువారం తెలిపింది. ఇటీవల ఉక్రెయిన్‌కు చెందిన డ్రోన్‌లు నల్ల సముద్రంలోని రష్యా నోవోరోసిస్క్ పోర్ట్ వద్ద రష్యన్ ఇంధన ట్యాంకర్, నౌకాదళ స్థావరంపై దాడి చేశాయి.
