IT Rides: ఫైనాన్స్ కంపెనీలపై కొనసాగుతున్న ఐటీ దాడులు.. రూ. 170 కోట్ల సంపద స్వాధీనం..

పన్ను ఎగవేతకు సంబంధించి మహారాష్ట్రలోని నాందేడ్ లోని ఫైనాన్స్ సంస్థలపై 72 గంటల దాడి తర్వాత ఆదాయపు పన్ను శాఖ 14 కోట్ల నగదు, 8 కిలోల బంగారంతో సహా 170 కోట్ల రూపాయల విలువైన లెక్కలోకి రాని ఆస్తిని స్వాధీనం చేసుకుంది. భండారీ ఫైనాన్స్, ఆదినాథ్ అర్బన్ మల్టీస్టేట్ కో-ఆపరేటివ్ బ్యాంక్ ప్రాంగణంలో నగదు, బంగారాన్ని స్వాధీనం చేసుకున్నారు. అందిన సమాచారం ప్రకారం., స్వాధీనం చేసుకున్న నగదు మొత్తాన్ని లెక్కించడానికి అధికారులకు 14 గంటల సమయం పట్టింది. వినయ్ భండారీ, సంజయ్ భండారీ, ఆశిష్ భండారీ, సంతోష్ భండారీ, మహావీర్ భండారీ, పదమ్ భండారీలు సోదరులు నాందేడ్ లో పెద్ద వ్యక్తిగత ఆర్థిక వ్యాపార సంస్థను కలిగి ఉన్నారు.

Also Read: Preminchoddhu: బేబీ పోలిన కథతోనే ప్రేమించొద్దు.. ఆసక్తి రేపుతున్న టీజర్

పన్ను ఎగవేత కారణంగా.., పూణే, నాసిక్, నాగ్పూర్, పర్భాని, ఛత్రపతి సంభాజీనగర్, నాందేడ్ నుండి వందలాది మంది ఆదాయపు పన్ను శాఖ అధికారులు సంయుక్తంగా మే 10 న ప్రారంభమైన సోదాలు మే 12 న దాడులను ముగించారు. 25 ప్రైవేట్ వాహనాల్లో నాందేడ్ చేరుకున్న ఈ బృందం అలీ భాయ్ టవర్లోని భండారి ఫైనాన్స్ ప్రైవేట్ లిమిటెడ్ కార్యాలయం, కొఠారి కాంప్లెక్స్ లోని కార్యాలయం, కోకాటే కాంప్లెక్స్ లోని మూడు కార్యాలయాలు, ఆదినాథ్ అర్బన్ మల్టీస్టేట్ కో-ఆపరేటివ్ బ్యాంక్ పై దాడి చేసింది.

ఇవి కాకుండా., పరాస్ నగర్, మహావీర్ సొసైటీ, ఫరాండే నగర్, కబ్రా నగర్ లోని ప్రైవేట్ నివాసాలపై కూడా దాడులు జరిగాయి. నాందేడ్ లో ఇంత పెద్ద ఎత్తున పన్ను దాడులు జరగడం ఇదే మొదటిసారి. నిందితులపై ఆదాయపు పన్ను శాఖ తదుపరి చర్యలు ప్రారంభించింది.