Suvendu Adhikari: మమతకు ‘‘శ్రీరాముడి శాపం’’.. బెంగాల్ సీఎం ఫైర్..

Suvendu Adhikari:  తృణమూల్ కాంగ్రెస్(టీఎంసీ) సంక్షోభంలో కీలక మలుపు చోటుచేసుకుంది. ఇప్పటికే రెండు వర్గాలుగా విడిపోయిన టీఎంసీ కేంద్ర ఎన్నికల సంఘం(ఈసీ) షాక్ ఇచ్చింది. టీఎంసీ పేరును, ఎన్నికల గుర్తును ఫ్రీజ్ చేసింది. రెండు వర్గాలకు వేర్వేరు గుర్తుల్ని, పేర్లను కేటాయించింది. మమతా బెనర్జీ వర్గానికి ‘‘ఫుట్‌బాల్ ప్లేయర్’’, తిరుగుబాటువర్గమైన రిటబ్రత బెనర్జీ వర్గానికి ‘‘ఎన్వలప్ కవర్’’ కేటాయించింది.

ఇదిలా ఉంటే, ఈ పరిణామాలపై పశ్చిమ బెంగాల్ సీఎం సువేందు అధికారి స్పందించారు. మమతా బెనర్జీ పార్టీని ఐక్యంగా ఉంచలేకపోవడం వల్లే టీఎంసీ తన పేరు, ఎన్నికల గుర్తును కోల్పోవాల్సి వచ్చిందని అన్నారు. దీనికి మమత అహంకారమే కారణమని, అహంకారం ప్రదర్శించే వారికి గుణపాఠం తప్పదని అన్నారు. ఈ పరిణామాన్ని ‘‘శ్రీరాముడి శాపం’’గా అభివర్ణించారు. భవిష్యత్తులో టీఎంసీ ఉనికి ఉండదని తాను ఎన్నికల సమయంలో చెప్పానని పేర్కొన్నారు. టీఎంసీ పేరు, ఎన్నికల గుర్తు కోల్పోవడంలో బీజేపీకి ఎలాంటి ప్రమేయం లేదని సువేందు స్పష్టం చేశారు. ఇది పూర్తిగా ఎన్నికల సంఘం నిర్ణయమే అని తెలిపారు.

గతంలో మమతా బెనర్జీ హిందూ మతం, మహా కుంభమేళ, రామ మందిరంపై చేసిన వ్యాఖ్యల్ని కూడా సువేందు గుర్తుచేశారు. రామ మందిర ప్రారంభోత్సవ కార్యక్రమానికి నిరసనగా మమతా బెనర్జీ చేసిన ర్యాలీని ఆయన గుర్తుచేశారు. ఈ పరిణామాలన్నింటితోనే మమతకు రాజకీయ గుణపాఠం ఎదురైందని ఆయన అన్నారు.