BJP: దేశవ్యాప్తంగా స్పెషల్ ఇంటెన్సివ్ రివిజన్(SIR) పేరుతో కేంద్ర ఎన్నికల సంఘం అవకతవకలకు పాల్పడిందని, CEC జ్ఞానేష్ కుమార్ రాజీనామా చేయాలని కాంగ్రెస్, ఇతర ప్రతిపక్షాలు తీవ్రంగా డిమాండ్ చేస్తున్నాయి. 13 కోట్ల మంది ఓటర్లను ఎన్నికల సంఘం తొలగించిందని ఆరోపిస్తున్నాయి. ఈ ఓటర్లను మళ్లీ జాబితాలో చేర్చాలని 2025కు ముందున్న ఓటర్ జాబితానే కొనసాగించాలని కాంగ్రెస్, కాక్రోచ్ జనతా పార్టీలు కోరుతున్నాయి.
ఈ నేపథ్యంలో ఈ 13 కోట్ల ఓటర్ల వివరాలను బీజేపీ క్లియర్‌గా వివరించింది. ఆ పార్టీ జాతీయ అధికార ప్రతినిధి సుధాన్షు త్రివేది మాట్లాడుతూ.. ఈ 13 కోట్ల మందిలో మరణించిన వారు, నివాసం మారిన వారు, ఆచూకీ లభించని వారు ఉన్నారని చెప్పారు. ఎన్నికల సంఘం గణాంకాలను ఉటంకిస్తూ.. 2.8 కోట్ల మంది మరణించారని, 6.3 కోట్ల మంది నివాసం మారారని, 1 కోటి మంది డ్లూప్లికేట్ ఓటర్లు అని, 3 కోట్ల మంది ఆచూకీ లభించలేదని చెప్పారు. నకిలీ ఓటర్లను కాపాడాలని కాంగ్రెస్ అనుకుంటోందా? అని త్రివేది ప్రశ్నించారు. ఇలా చేయడం ద్వారా కాంగ్రెస్ ఎవరికి మేలు చేయాలని అనుకుంటోంది? అని అడిగారు.
ఇండియన్ ఎక్స్‌ప్రెస్ నివేదికలో.. గత 10 నెలల్లో ఎన్నికల కమిషనర్లు సుఖ్బీర్ సింగ్ సంధు, వివేక్ జోషిలు ఎన్నికల కమిషన్ నిర్ణయాలను 14 సార్లు వ్యతిరేకించారని చెప్పింది. దీంతో ఒక్కసారిగా వివాదం మొదలైంది. ప్రధాన ఎన్నిక కమిషనర్(CEC) జ్ఞానేష్ కుమార్ ఏకపక్షంగా వ్యవహరిస్తున్నారని, మోడీ ప్రభుత్వానికి సహకరించేలా పనిచేస్తున్నారని కాంగ్రెస్ ఆరోపిస్తోంది. తొలగించిన 1.3 కోట్ల ఓటర్లను వెంటన పునరుద్ధరించాలని డిమాండ్ చేస్తోంది.