BJP MLA: బీజేపీ బడ్జెట్ ‘‘అబ్బాయి’’, కాంగ్రెస్ బడ్జెట్ ‘‘అమ్మాయి’’.. ఎమ్మెల్యే వివాదాస్పద వ్యాఖ్యలు..
- బీజేపీ బడ్జెట్లు ‘‘అబ్బాయిలు’’, కాంగ్రెస్ బడ్జెట్లు ‘‘అమ్మాయిలు’’..
- అసెంబ్లీ సాక్షిగా బీజేపీ ఎమ్మెల్యే వివాదాస్పద వ్యాఖ్యలు..
BJP MLA: రాజస్థాన్ బీజేపీ ఎమ్మెల్యే బహదూర్ సింగ్ కోలి చేసిన వ్యాఖ్యలు తీవ్ర వివాదాస్పదమయ్యాయి. అమ్మాయి కన్నా అబ్బాయి పుట్టడం బెటర్ అంటూ ఆయన కామెంట్స్ చేశారు. రాష్ట్ర అసెంబ్లీలో బడ్జెట్ చర్చ సందర్భంగా కోలి మాట్లాడుతూ.. బీజేపీ ప్రభుత్వం ‘‘కొడుకు’’కు జన్మనిచ్చినట్లుగా బడ్జెట్లు ఉన్నాయని, కాంగ్రెస్ చివరి బడ్జెట్ ‘‘కూతురు’’కు జన్మనిచ్చినట్లు ఉందని, బీజేపీ బడ్జెట్ ‘‘యూత్’’ అని, కాంగ్రెస్ బడ్జెట్ ‘‘ముసలి’’ అని అభివర్ణించారు.
Read Also: Abhishek Sharma: అభిషేక్ శర్మ.. ఏమైంది బాస్? పసికూనపై కూడా పత్తా లేవు!
‘‘ మా ప్రభుత్వం మొదటి బడ్జెట్ లో కొడుకుకు జన్మినిచ్చింది, రెండు, మూడు బడ్జెట్లో కూడా కొడుకుకు జన్మనిచ్చింది. యవ్వనంలో ఒక వ్యక్తికి కొడుకు జన్మించడం ఎల్లప్పుడూ ఉపయోగంగా ఉంటుంది’’ అని అన్నారు. మాజీ సీఎం అశోక్ గెహ్లాట్ ప్రవేశపెట్టిన చివరి బడ్జెట్ గురించి ప్రస్తావిస్తూ.. కాంగ్రెస్ హయాంలో కుమార్తె పుట్టిందని, కుమారుడు పుట్టలేదని పేర్కొన్నారు. అందుకే ఇప్పుడు కాంగ్రెస్ ప్రతిపక్షంలో ఉందని ఎద్దేవా చేశారు. ఈ వ్యాఖ్యలు చేస్తున్న సమయంలో తోటి బీజేపీ ఎమ్మెల్యేలు నవ్వుతూ కనిపించారు. స్పీకర్ కూడా అభ్యంతరం చెప్పలేదు. కాంగ్రెస్ ఎమ్మెల్యేలు మాత్రం ఈ వ్యాఖ్యలపై ఆగ్రహం వ్యక్తం చేశారు.