Pune: పూణెలో మరో సోనమ్.. పెళ్లికి ముందే కాబోయే భర్తను పైకి పంపేసింది
- మహారాష్ట్రలోని పూణెలో ఘోరం
- కాబోయే భర్తను పైకి పంపేసిన యువతి
- మరో 5 నెలల్లో ఉధయ్పూర్లో పెళ్లి
- Follow Us :
-
-
Add as a preferred
source on google
నేటి యువత ఎటువైపు వెళ్తున్నారో అర్థం కావడం లేదు. టెక్నాలజీ అభివృద్ధి కొలది ఆలోచనలు కూడా కొత్త పొంతలు తొక్కుతున్నాయి. వివాహ వ్యవస్థపైన అవగాహన లేకనో.. లేదంటే తప్పుడు కోరికల వలనో తెలియదు గానీ.. తమ సుఖం కోసం అడ్డు తొలగించుకునేందుకు హత్యలకు కూడా వెనుకాడడం లేదు. గతేడాది మేఘాలయకు హనీమూన్కు తీసుకెళ్లి కట్టుకున్న భర్తనే సోనమ్ రఘువంశీ అనే నవవధువు చంపేసిన ఘటన అందరికీ తెలిసిందే. దేశ వ్యాప్తంగా సంచలనం సృష్టించింది. తాజాగా మహారాష్ట్రలోని పూణెలో పెళ్లికాకముందే కాబోయే భర్తను పైకి పంపేసిన ఘటన తీవ్ర కలకలం రేపుతోంది. అసలేం జరిగిందో తెలియాలంటే ఈ వార్త చదవండి.
మహారాష్ట్రలోని పుణెలో సంచలన ఘటన వెలుగులోకి వచ్చింది. తొలుత ప్రమాదవశాత్తూ జరిగిన మరణంగా భావించిన ట్రెక్కర్ కేతన్ విశాల్ అగర్వాల్ మృతి కేసు.. ఇప్పుడు హత్య కేసుగా మారింది. కాబోయే భార్య, ఆమె స్నేహితుడు కలిసి కేతన్ను లోయలోకి తోసి చంపినట్లుగా పోలీసులు కనిపెట్టారు. దీంతో ఈ ఘటన తీవ్ర దిగ్భ్రాంతికి గురి చేస్తోంది. ప్రమాదవశాత్తు చనిపోయినట్లుగా భావించిన కుటుంబ సభ్యులు.. ఇప్పుడు అసలు విషయం తెలిసి హతాశులయ్యారు.
Also Read
- Rahul Gandhi vs PM Modi: ప్రధాని మోడీ నా ఫోన్ ట్యాప్ చేస్తున్నారు.. రాహుల్ గాంధీ సంచలన ఆరోపణలు!
- Big Action Against Zakir Naik: జాకిర్ నాయక్కు భారీ షాక్.. IRFపై నిషేధం మరో ఐదేళ్లు పొడిగించిన కేంద్రం!
- Sonia Gandhi Autobiography: సోనియా గాంధీ ఆత్మకథ పుస్తకాన్ని తగలబెట్టి.. 1984 సిక్కు అల్లర్ల బాధిత కుటుంబాల నిరసన
- Delhi Air Pollution: ఊపిరి పీల్చుకోవడమే కష్టం.. ఢిల్లీలో ప్రమాదకర స్థాయికి కాలుష్యం
పోలీసుల వివరాల ప్రకారం.. 26 ఏళ్ల కేతన్ విశాల్ అగర్వాల్ పుణె సమీపంలోని గహుంజే ప్రాంతానికి చెందినవాడు. తన కుటుంబానికి చెందిన రియల్ ఎస్టేట్ సంస్థలో డైరెక్టర్గా పనిచేస్తున్నాడు. జూన్ 18న తన కాబోయే భార్య పుట్టినరోజు వేడుకల కోసం ఆమెతో పాటు ఇద్దరు స్నేహితులతో కలిసి చారిత్రాత్మక ప్రాంతమైన లోహగడ్ కోటకు ట్రెక్కింగ్కు వెళ్లాడు. అయితే ఆ సమయంలో కేతన్ ప్రాణాలు కోల్పోయాడు. ప్రమాదవశాత్తు పడిపోయినట్లుగా కాబోయే భార్య చెప్పడంతో పోలీసులు నమ్మి లైట్ తీసుకున్నారు. కేతన్ ఫోటోలు తీసుకుంటున్న సమయంలో బలమైన గాలుల కారణంగా సమతుల్యత కోల్పోయి సుమారు 400 అడుగుల లోతైన లోయలో పడిపోయాడని చెప్పడంతో నమ్మేశారు. దీంతో ప్రమాదవశాత్తూ మృతి చెందినట్లు కేసు నమోదు చేశారు.
అయితే తాజాగా దర్యాప్తులో విస్తుపోయే విషయాలు వెలుగులోకి వచ్చాయి. కాబోయే భార్యను లోతుగా విచారించడంతో సమాధానాలు తికమకగా చెప్పింది. దీంతో పోలీసులకు అనుమానాలు రేకెత్తాయి. మరింత లోతుగా దర్యాప్తు చేయగా బండారం బయటపడింది. కాబోయే భార్య, ఆమె స్నేహితుడు కలిసి కేతన్ను ఉద్దేశపూర్వకంగానే లోయలోకి తోసివేసి, దానిని ప్రమాదంగా చిత్రీకరించేందుకు ప్రయత్నించినట్లు పోలీసులు గుర్తించారు. ఈ నేపథ్యంలో ఇద్దరినీ అదుపులోకి తీసుకుని విచారించగా హత్య కోణం వెలుగులోకి వచ్చింది. ఇద్దరూ నేరాన్ని అంగీకరించినట్లుగా తెలుస్తోంది. ప్రస్తుతం ఈ కేసు మహారాష్ట్రలో తీవ్ర సంచలనంగా మారగా.. ప్రేమ, పెళ్లి, విశ్వాసం పేరుతో జరిగిన ఈ ఘటనపై పోలీసులు అన్ని కోణాల్లో దర్యాప్తు కొనసాగిస్తున్నారు.
మరోవైపు కేతన్ వివాహం ఈ ఏడాది నవంబర్లో జరగాల్సి ఉంది. ఇందుకోసం కుటుంబ సభ్యులు ఇప్పటికే రాజస్థాన్లోని ఉదయ్పూర్లో ఒక రాజభవనాన్ని వివాహ వేడుకల కోసం బుక్ చేసినట్లు తెలుస్తోంది. పెళ్లికి కొన్ని నెలల ముందు చోటుచేసుకున్న ఈ ఘటన రెండు కుటుంబాలను తీవ్ర విషాదంలో ముంచెత్తింది. చరిత్ర ప్రసిద్ధి చెందిన లోహగడ్ కోట, ఛత్రపతి శివాజీ మహారాజ్ చరిత్రతో ముడిపడి ఉంది. ఇది మహారాష్ట్రలోని యునెస్కో ప్రపంచ వారసత్వ జాబితాలో ఉన్న 12 కోటల్లో ఒకటిగా గుర్తింపు పొందింది.

తాజావార్తలు
-
Mitchell Santner: “చాలా హ్యాపీగా ఉన్నాం.. ఇక రిలాక్స్ అవుతాం”.. గ్రాండ్ విక్టరీపై కెప్టెన్ ఆసక్తికర వ్యాఖ్యలు..
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
AP Panchayat Elections: పంచాయతీ ఎన్నికలకు ముందే వేలంపాట.. సర్పంచ్ పదవికి రూ.81 లక్షలు!
-
Iran-US Tensions: ఇరాన్-అమెరికా ఉద్రిక్తతలు.. బహ్రెయిన్లో అమెరికా రాడార్ను ధ్వంసం చేశామన్న IRGC..!
-
IND vs NZ 4th ODI: ఆరేసిన మాట్ హెన్రీ.. 334 ఛేదనలో 89 పరుగులకే భారత్ ఆలౌట్!
ట్రెండింగ్
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..