Prank Goes Wrong: స్నేహితుడితో సరదా కోసం చేసిన పని మహిళ ప్రాణాలు తీసింది. ఈ ఘటన ముంబైలో మంగళవారం జరిగింది. మూడో అంతస్తులో గోడపై కూర్చున్న మహిళను ఆటపట్టిద్దామని చూసిన వ్యక్తి, ఆ మహిళను నెట్టివేయడం వీడియోలో చూడొచ్చు. వెంటనే పట్టు కోల్పోయిన మహిళ అక్కడ నుంచి జారిపడి ప్రాణాలు పోగొట్టుకుంది. ముంబైకి 30 కిలోమీటర్ల దూరంలో ఉన్న డోంబివాలిలోని గ్లోబ్ స్టేట్ భవనంలో ఈ ఘటన చోటు చేసుకుంది. ప్రస్తుతం దీనికి సంబంధించిన వీడియో ప్రస్తుతం వైరల్‌గా మారింది.
Read Also: Kerala: విదేశీ మహిళకు పద్మనాభస్వామి ఆలయంలోకి ప్రవేశం నిరాకరణ.. వివాదాస్పదమైన ఘటన..
చనిపోయిన బాధిత మహిళను నాగినా దేవీ మంజీరామ్‌గా గుర్తించారు. ఆమె మూడో ఫ్లోర్ నుంచి పడిపోతున్న దృశ్యాలు అక్కడి సీసీ కెమెరాలో రికార్డయ్యాయి. ఈ ఘటనపై పోలీసులు కేసు నమోదు చేసుకుని దర్యాప్తు ప్రారంభించారు. బాధిత మహిళ గ్లోబ్ స్టేట్ కాంప్లెక్స్‌లో క్లీనర్‌గా పనిచేస్తోంది. ఆమె సహోద్యోగుల బృందంతో పాటు నాగినా దేశి కూడా అక్కడ పనిచేస్తున్నారు. ఆ సమయంలో లాబీలోని బాల్కానీ గోడపై ఆమె కూర్చుని ఉంది. ఆ సమయంలో బంటీ అనే వ్యక్తి తమాషాగా నెట్టివేస్తున్నట్లు ప్రాంక్ చేద్దామని చూశాడు. అయితే, దురదృష్టవశాత్తు మహిళ అక్కడ నుంచి పడిపోయింది, పడిపోతున్న క్రమంలో ఆమెను బంటీ పట్టుకుందామని ప్రయత్నించినప్పటికీ లాభం లేకపోయింది. మృతురాలికి ఒక కుమారుడు, కుమార్తె ఉన్నారు. ఈ ఘటనలో వారి కుటుంబంలో తీవ్ర విషాదం అలుముకుంది.
Woman falls off third floor of a complex in Maharashtra's Dombivli.
This happened while the woman was with her friends. Another of her friends was saved by bystanders.
The woman was identified as Gudiya Devi, who worked as a cleaner in the building. She is survived by a son… pic.twitter.com/tfKpjHFn4U
— Vani Mehrotra (@vani_mehrotra) July 17, 2024
