Narendra Modi: ఇది కదా మోడీ క్రేజ్.. Gen Z వీడియోలతో 10.5 కోట్లు దాటిన ఫాలోవర్స్..

Narendra Modi: ప్రధాని నరేంద్రమోడీ ఇన్‌స్టాగ్రామ్‌లో రికార్డులు సృష్టిస్తున్నారు. ఇటీవల, నీట్ పేపర్‌లీక్ వివాదం, నిరసనల సమయంలో ఆయన పోస్ట్ చేసిన వీడియో ఏకంగా మిలియన్ల కొద్దీ వ్యూస్ వచ్చాయి. ఈ వీడియో తర్వాత ప్రధానికి ఏకంగా 40 లక్షల మంది కొత్త ఫాలోవర్లు పెరిగారు. ఇప్పుడు మొత్తం ఆయన ఇన్‌స్టా ఫాలోవర్లు 105 మిలియన్లు(10.5 కోట్లు)కు చేరుకుంది. కేవలం గత వారం రోజుల్లోనే నాలుగు మిలియన్ల మంది ఆయనను ఫాలో అవుతున్నారు. వారం క్రితం మోడీకి 101 మిలియన్ల(10.1 కోట్ల) మంది ఫాలోవర్లు ఉండగా, ప్రస్తుతం ఇది 105 మిలియన్లను అధిగమించింది. ఇప్పటి వరకు ఆయన ఇన్‌స్టాలో 1452 పోస్టులు షేర్ చేశారు.

ఇటీవల, సీజేపీ-యువత నిరసనల నేపథ్యంలో ప్రధాని మోడీ వరసగా 2 వర్టికల్ వీడియోలను ఇన్‌స్టాలో పోస్ట్ చేశారు. ఈ రెండు వీడియోలకు లక్షలాది లైక్స్, కోట్ల సంఖ్యలో వ్యూస్ రావడంతో వైరల్‌గా మారాయి. ఒక వీడియోలో పేపర్‌ లీక్‌లను అరకిట్టేందుకు ప్రభుత్వం కఠిన చట్టాలు తీసుకువస్తోందని విద్యార్థులకు మోడీ హామీ ఇవ్వడంతో పాటు, విచారణకు ఫాస్ట్ ట్రాక్ కోర్టుల్ని ఏర్పాటు చేస్తున్నట్లు ప్రకటించారు. మరో వీడియోలో, జంతర్ మంతర్ వద్ద జరిగిన నిరసనల్ని ఉద్దేశించి మాట్లాడారు. జెన్ జీ యువతను టార్గెట్ చేస్తూ ప్రత్యేకంగా రూపొందించిన వర్టికల్ వీడియోలకు ఇన్‌స్టాగ్రామ్ అల్గారిథం కూడా ప్రాధాన్యం ఇవ్వడంతో వీటికి భారీ రీచ్ ఏర్పడింది.