Parliament’s Winter session: డిసెంబర్ రెండో వారం నుంచి పార్లమెంట్ శీతాకాల సమావేశాలు..?

Parliament’s Winter session: పార్లమెంట్ శీతాకాల సమావేశాలకు షెడ్యూల్ ఖరారైనట్లు తెలుస్తోంది. డిసెంబర్ రెండో వారం నుంచి ప్రారంభమయ్యే అవకాశం ఉందని, క్రిస్మస్‌కి ఒక రోజు ముందు ఈ సమావేశాలు ముగియవచ్చని సంబంధిత వర్గాలు తెలిపాయి. డిసెంబర్ 3న ఐదు రాష్ట్రాల ఓట్ల లెక్కింపు తర్వాత కొన్ని రోజులకు పార్లమెంట్ సెషన్స్ ప్రారంభం కావచ్చని తెలుస్తోంది.

Read Also: Sri lanka: అదానీ ప్రాజెక్టులో అమెరికా భారీ పెట్టుబడులు.. చైనాకు చెక్ పెట్టేందుకు వ్యూహం..

IPC, CrPC మరియు ఎవిడెన్స్ యాక్ట్ స్థానంలో మూడు కీలక బిల్లులను శీతాకాల సమావేశాల్లో ప్రవేశపెట్టే అవకాశం ఉంది. ఇప్పటికే ఈ బిల్లులపై హోమ్ శాఖ స్టాండింగ్ కమిటీ ఆమెదించింది. ప్రధాన ఎన్నికల కమిషనర్, ఎన్నికల కమిషనర్ల నియామకానికి సంబంధించిన మరో కీలక బిల్లు పార్లమెంట్‌లో పెండింగ్ లో ఉంది. వర్షాకాల సమావేశాల్లో ఈ బిల్లును తీసుకువచ్చే ప్రయత్నం చేసినప్పటికీ, ప్రతిపక్షాలు, మాజీ ప్రధాన ఎన్నికల కమిషనర్ల నిరసన మధ్య ఈ బిల్లు పార్లమెంట్ ముందుకు రాలేదు. సీఈసీ, ఈసీ హోదాలను క్యాబినెట్ కార్యదర్శికి సమానంగా తీసుకురావడానికి ఈ బిల్లు ఉద్దేశించబడింది. ప్రస్తుతం వారు సుప్రీంకోర్టు న్యాయమూర్తి హోదాను అనుభవిస్తున్నారు. సాధారణంగా శీతాకాల సమావేశాలు నవంబర్ మూడో వారంలో ప్రారంభమై డిసెంబర్ 25 లోపు ముగుస్తాయి.