Mukesh Ambani: కుమారుడి పెళ్లిలో హిందూ వివాహ ప్రాముఖ్యతను వివరించిన ముఖేష్

రిలయన్స్ అధినేత ముఖేష్ అంబానీ-నీతా అంబానీల చిన్న కుమారుడు అనంత్ అంబానీ-రాధికా మర్చంట్ వివాహం జూలై 12న ముంబై జియో వరల్డ్ సెంటర్‌లో ఘనంగా జరిగింది. ఈ వివాహానికి దేశ, విదేశాల నుంచి అతిరథ మహరథులంతా హాజరయ్యారు. ఇక ఈ పెళ్లిలో కన్యాదానం గురించి నీతా అంబానీ మాట్లాడినప్పుడు.. అతిథులు కన్నీళ్లు పెట్టుకున్నారు. స్త్రీ యొక్క గొప్పతనాన్ని అంత గొప్పగా తెలియజేశారు. దీంతో ఆమెను అతిథులంతా చప్పట్లతో అభినందించారు. ఇందుకు సంబంధించిన వీడియో వైరల్ అయింది.

తాజాగా ముఖేష్ అంబానీకి సంబంధించిన వీడియో కూడా వైరల్ అవుతోంది. కుమారుడి పెళ్లిలో అతిథుల ముందు హిందూ వివాహ వ్యవస్థను గురించి తెలియజేశారు. మూడు రోజుల పాటు జరిగిన ఈ వివాహంలో భారతీయ సంస్కృతి మరియు సాంప్రదాయక అనుభూతిని అతిథులకు తెలియజేశారు. నూతన జంటను ఆశీర్వదించాలని ఆయన కోరారు. ప్రస్తుతం ఈ వీడియో వైరల్ అవుతోంది. ముఖేష్ ఏం చెప్పారో మీరు కూడా చూసేయండి.