Madhya Pradesh: ఆదర్శంగా సీఎం కుమారుడు.. సామూహిక వివాహా వేడుకలో పెళ్లి..

Madhya Pradesh: ప్రస్తుత కాలంలో సాధారణ ఎమ్మెల్యే కుమారుడి పెళ్లి అంటేనే అంగరంగ వైభవంగా జరుగుతుంది. కోట్ల రూపాయలు ఖర్చు చేసి వివాహాలు చేస్తున్నారు. కానీ, మధ్యప్రదేశ్ సీఎం మోహన్ యాదవ్ కుమారుడు మాత్రం ఈ విషయంలో చాలా మందికి ఆదర్శంగా నిలుస్తున్నారు. మోహన్ యాదవ్ చిన్న కుమారుడు అభిమన్యు యాదవ్ అత్యంత నిరాడంబరంగా వివాహం చేసుకున్నారు. అభిమన్యు యాదవ్, ఇషితా యాదవ్ సామూహిక వివాహ వేడుకల్లో ఒకటయ్యారు.

Read Also: Maoists Surrender : మావోయిస్టు పార్టీకి మరో ఎదురుదెబ్బ.. 37 మంది లొంగుబాటు

ఉజ్జయిని లోని క్షిప్రా నది ఒడ్డున ఈ సామూహిక వివాహ వేడుక జరిగింది. 21 మంది జంటలు వేడుకల్లో పెళ్లిళ్లు చేసుకున్నారు. ఇందులో సీఎం కుమారుడు కూడా ఉన్నారు. ఈ పెళ్లి విలాసవంతమైన సెట్టింగులు, ఖరీదైన గిఫ్టులు లేకుండా నిరాడంబరాన్ని హైలెట్ చేస్తుంది. ఆధ్యాత్మికవేత్తల నుంచి రాజకీయ ప్రముఖుల వరకు ఈ వేడుకల్లో పాల్గొన్నారు. వివాహ ఖర్చు, దుబారాను అరికట్టేందుకు ముఖ్యమంత్రి ఈ నిర్ణయం తీసుకున్నట్లు కుటుంబ వర్గాలు చెబుతున్నాయి.