Bengaluru: బెంగళూరులో అగ్నిప్రమాదం.. 150 వాహనాలు దగ్ధం

బెంగళూరు శ్రీరాంపురలోని పోలీస్‌ యార్డులో 150 వాహనాలు దగ్ధమయ్యాయి. మంటల్లో 130 ద్విచక్ర వాహనాలు, పది ఆటోలు, పది కార్లు దగ్ధమయ్యాయి. దాదాపు రెండు గంటల పాటు అగ్నిమాపక సిబ్బంది మంటలను అదుపులోకి తెచ్చారు.

ఇది కూడా చదవండి: AATT: జనవరి 31న తెలుగు టీవీ ఆర్టిస్టుల సంఘం ఎన్నికలు.. జీఎస్ హరి ప్యానెల్ మేనిఫెస్టో ఇదే!

శ్రీరామ్‌పురలో పోలీసులు వాహనాలు సీజ్‌ చేసి పార్క్‌ చేసి ఉంచిన స్థలంలో ప్రమాదవశాత్తు మంటలు చెలరేగాయి. దీంతో ఒకదాని వెంట మరొకటి మంటలు అంటుకున్నాయి. దీంతో 150 వాహనాలు దగ్ధమయ్యాయి. ఈ ఘటనలో ఎవరికీ గాయాలు కాలేదు. 130 ద్విచక్రవాహనాలు, 10 ఆటోలు, 10 కార్లు దగ్ధమయ్యాయని పోలీసులు వెల్లడించారు. బ్యాటరీల్లో మండే పదార్థాలు ఉండటమే కారణమై ఉండొచ్చని పోలీసులు భావిస్తున్నారు.

ఇది కూడా చదవండి: Mamata Banerjee: కాంగ్రెస్‌ వల్లే మోడీ గెలిచారు.. పుస్తకావిష్కరణలో మమత వ్యాఖ్య

శ్రీరామ్‌పురలోని రెండెకరాల ఖాళీ స్థలంలో గత పదేళ్లుగా 10వేలకు పైగా వాహనాలను పార్క్ చేసి ఉంచారు. బుధవారం ఉదయం అకస్మాత్తుగా మంటలు చెలరేగాయి. వెంటనే మంటలు 150కి పైగా వాహనాలకు వ్యాపించినట్లు పోలీసులు తెలిపారు. పొగలు రావడంతో సెక్యురిటీ గార్డు అప్రమత్తమై పోలీసులు, అగ్నిమాపక సిబ్బందికి సమాచారం ఇవ్వగా.. రంగంలోకి దిగిన సిబ్బంది రెండు గంటల పాటు శ్రమించి మంటలు అదుపులోకి తెచ్చారు.

ఇది కూడా చదవండి: CBSE Single Girl Child Scholarship: విద్యార్థులకు రూ. 24 వేల స్కాలర్‌షిప్‌ ఇస్తున్న కేంద్రం.. ఇలా అప్లై చేసుకోండి