Special Girls’ Hostels: కేంద్ర ప్రభుత్వం ప్రవేశ పెట్టిన బడ్జెట్ లో యువతకు అధిక అవకాశాలు కల్పిస్తున్నామని ఆర్థిక శాఖ మంత్రి నిర్మలా సీతారామన్ వెల్లడించింది. విజువల్ ఎఫెక్ట్స్ రంగంలో 20 లక్షల మందికి నైపుణ్య శిక్షణ కల్పించనున్నట్లు తెలిపారు. అలాగే, ముంబైలో ఇండియన్ ఇన్స్టిట్యూట్ ఆఫ్ క్రియేటివ్ టెక్నాలజీ ఏర్పాటు చేయబోతున్నట్లు పేర్కొన్నారు. దేశవ్యాప్తంగా 15 వేల సెకండరీ పాఠశాలల్లో కంటెంట్ క్రియేటర్స్ ల్యాబ్స్ ఏర్పాటు చేయనున్నట్లు చెప్పారు. ఇక, 500 కాలేజీల్లో కూడా కంటెంట్ క్రియేటర్స్ ల్యాబ్స్ ఏర్పాటు చేస్తున్నామని అన్నారు.
Read Also: Budget 2026: జీడీపీలో ద్రవ్యలోటు 4.3 శాతంగా అంచనా..
అయితే, ప్రతి జిల్లాలో బాలికల కోసం ప్రత్యేక వసతి గృహం ఏర్పాటు చేస్తామని కేంద్ర ఆర్థిక మంత్రి నిర్మలా సీతారామన్ ప్రకటించారు. బాలికల వసతి గృహాల కోసం సర్దుబాటు నిధి ఏర్పాటు చేస్తున్నామన్నారు. ఇక, ప్రధాన పర్యాటక కేంద్రాల్లో 10 వేల మంది గైడ్లకు నైపుణ్య శిక్షణ ఇవ్వబోతున్నాం.. ఖగోళ శాస్త్ర పరిశోధనల అభివృద్ధి, ఆసక్తి పెంచడమే ప్రధాన లక్ష్యంగా చర్యలు తీసుకుంటున్నాం.. నేషనల్ లార్జ్ సోలార్ టెలిస్కోప్ (NLST) ఏర్పాటు చేస్తున్నామని వెల్లడించారు. హిమాలయన్ చంద్ర టెలిస్కోప్, కాస్మోస్ 2 ప్లానిటోరియం ఏర్పాటు చేస్తున్నామని సీతారామన్ చెప్పారు.
