Vijay: విజయ్‌కు భారీ బూస్ట్.. టీవీకేలో చేరిన అన్నాడీఎంకే మాజీ మంత్రులు..

Vijay: సీఎం విజయ్‌కు బిగ్ బూస్ట్ లభించింది. ఆయన టీవీకే పార్టీలో అన్నాడీఎంకే, డీఎంకేకు చెందిన పలువురు నాయకులు చేరారు. టీవీకేలో చేరిన వారిలో అన్నాడీఎంకే పార్టీలో గతంలో మంత్రులుగా పనిచేసిన వారు ఉండటం గమనార్హం. ఎం.సి. సంపత్, ఎన్.ఆర్. శివపతి, కడంబూర్ సి. రాజు, ఉడుమలై కె. రాధాకృష్ణన్. ఈ నలుగురూ ఏఐఏడీఎంకే ప్రభుత్వంలో మంత్రులుగా పనిచేశారు. వీరందరూ తమిళనాడులో సుపరిచితులు. విస్తృత రాజకీయ అనుభవం కలిగిన వీరు చేయడం వల్ల తమ పార్టీ మరింత బలపడుతుందని టీవీకే భావిస్తోంది. మాజీ డీఎంకే ఎమ్మెల్యే జే. కరుణానిధి కూడా టీవీకే తీర్థం పుచ్చుకున్నారు.

పోటీ చేసిన తొలి ఎన్నికల్లోనే అధికారం చేపట్టిన విజయ్, తన పార్టీని మరింత శక్తివంతంగా తీర్చిదిద్దే ప్రయత్నాల్లో ఉన్నారు. దీంతోనే అన్నాడీఎంకే, డీఎంకే నుంచి నేతల్ని ఆకర్షిస్తున్నారు. ముఖ్యంగా, అన్నాడీఎంకే నుంచి ఇటీవల కాలంలో టీవీకే పార్టీకి ఎక్కువ మద్దతు వస్తోంది.