EPFO: ఎంప్లాయీస్ ప్రావిడెంట్ ఫండ్ ఆర్గనైజేషన్ నుంచి గుడ్ న్యూస్.. ఏంటో తెలుసా…

ఎంప్లాయీస్ ప్రావిడెంట్ ఫండ్ ఆర్గనైజేషన్ నుంచి గుడ్ న్యూస్ వచ్చింది. అదేంటే తెలుసుకోవాలనుంది కదా.. అయితే దీపావళి నుంచి ఏటీఎం, యూపీఐ ద్వారా పీఎఫ్‌‌‌‌ డబ్బును వెంటనే విత్‌‌‌‌డ్రా చేసుకోవచ్చు. ఈపీఎఫ్‌‌‌‌ఓ 3.0 అమలైతే పీఎఫ్‌‌‌‌ డబ్బు కోసం రోజులు వేచి చూడాల్సిన అవసరం ఉండదని ఈపీఎఫ్ ఆర్గనైజేషన్ వెల్లడించింది. యూపీఐ యాప్‌‌‌‌లు లేదా ఏటీఎంల ద్వారా రూ. లక్ష వరకు అత్యవసర విత్‌‌‌‌డ్రాలను వెంటనే చేసుకోవచ్చు. 8 కోట్ల మందికి పైగా సభ్యులకు ఇది సాయపడుతుంది.

పూర్తి వివరాల్లోకి వెళితే.. కేంద్ర ప్రభుత్వం ఈపీఎఫ్‌‌‌‌ఓ 3.0 అనే కొత్త వ్యవస్థను తీసుకురావాలని ఈ సంస్థ చూస్తోంది. ఇది ప్రావిడెంట్ ఫండ్ ఖాతాలను బ్యాంక్ ఖాతాల్లా పనిచేసేలా మార్చనుంది. ప్రస్తుతం పీఎఫ్‌‌‌‌ ఉపసంహరణ కోసం ఆన్‌‌‌‌లైన్ క్లెయిమ్ సబ్మిట్ చేయాలి. ఈ విధానంలో డబ్బులు విత్‌‌‌‌డ్రా చేసుకోవడానికి చాలా టైమ్ పడుతోంది. కొత్త వ్యవస్థలో యూఏఎన్‌‌‌‌, ఆధార్–-బ్యాంక్ లింక్ ఉంటే చాలు. వైద్య ఖర్చులు, విద్య, ఇల్లు, వివాహ అవసరాలకు డబ్బు వెంటనే విత్‌‌‌‌డ్రా చేసుకోవచ్చు. ప్రస్తుతం నెలకు రూ.వెయ్యిగా ఉన్న కనీస పింఛన్‌‌‌‌ను రూ.1,500–రూ.2,500కి పెంచే ప్రతిపాదనపై ఈపీఎఫ్‌‌‌‌ఓ బోర్డు చర్చిస్తోంది. ట్రేడ్ యూనియన్లు కోరుతున్న పాత డిమాండ్ ఇది. ఈపీఎఫ్‌‌‌‌ఓ 3.0 అమలైతే, భారత పీఎఫ్‌‌‌‌ వ్యవస్థలో అతిపెద్ద సంస్కరణలలో ఒకటిగా నిలుస్తుంది.