దేశ రాజధాని ఢిల్లీని దట్టమైన మేఘాలు కమ్మేశాయి. పట్టపగలే చిమ్మచీకట్లు కమ్ముకున్నాయి. ఇప్పటికే నగరంలో పలు ప్రాంతాల్లో భారీ వర్షం కురుస్తోంది. దీంతో ఢిల్లీలో కేంద్ర వాతావరణ శాఖ రెడ్ అలర్ట్ ప్రకటించింది. తీవ్రమైన వర్షంతో పాటు ఉరుములు, మెరుపులు, ఈదురుగాలులు వీస్తున్నాయి. భారీ వర్షం కారణంగా జన్మాష్టమి వేడుకలకు తీవ్ర అంతరాయం ఏర్పడింది. రహదారులపై నీళ్లు నిలిచిపోవడంతో వాహనదారులు, ప్రజలు తీవ్ర ఇబ్బందులు పడుతున్నారు. ఇక ఢిల్లీ ఎయిర్పోర్టులోకి నీళ్లు చేరడంతో ప్రయాణికులు తీవ్ర ఇబ్బందులు పడతున్నారు.
50-100 మీటర్ల వరకు వర్షం కురిసే అవకాశం ఉందని తెలిపింది. గంటక 40-50 కిలోమీటర్ల వేగంతో గాలులు వీచే అవకాశం ఉందని ఐఎండీ పేర్కొంది. ప్రజలు జాగ్రత్తగా ఉండాలని.. అత్యవసరం అయితే తప్ప ఇళ్లలోంచి బయటకు రావొద్దని వాతావరణ శాఖ సూచించింది. ఇదిలా ఉంటే ఈరోజు జన్మాష్టమి కారణంగా సెలవు కారణంగా రహదారులపై రద్దీ తక్కువగా ఉంది.
మధ్యప్రదేశ్ నుంచి ఉత్తరప్రదేశ్ వరకు అల్పపీడనం కొనసాగుతోంది. రాజస్థాన్లో కూడా భారీ వర్షాలు కురిసే అవకాశం ఉందని వాతావరణ శాఖ తెలిపింది.