Chidambaram: ఇండియా కూటమి అధికారంలోకి వస్తే సీఏఏ, మూడు క్రిమినల్ చట్టాలను రద్దు చేస్తాం..
Chidambaram: కేంద్రంలో ఇండియా కూటమి అధికారంలోకి రాగానే కీలక హామీలను నెరవేరుస్తామని మాజీ కేంద్రమంత్రి, కాంగ్రెస్ నేత పి.చిదంబరం అన్నారు. తాము అధికారంలోకి వచ్చిన తర్వాత పౌరసత్వ సవరణ చట్టం(సీఏఏ), బీజేపీ ప్రభుత్వం తీసుకువచ్చిన మూడు క్రిమినల్ చట్టాలను రద్దు చేస్తామని ఆదివారం ఆయన హామీ ఇచ్చారు. అధికారంలోకి రాగానే కొన్ని చట్టాలను సవరించడం లేదా రద్దు చేస్తామని చెప్పారు. వీటిలో సీఏఏ మొదటిస్థానంలో ఉందని, పార్మర్స్ ప్రొడ్యూస్, ట్రేడ్, అండర్ కామర్స్ ప్రమోషన్ ఆఫ్ ఫెసిలిటేషన్ యాక్ట్-2020, భారత న్యాయ సంహిత, భారతీయ నాగరిక్ సురక్షా సంహిత, భారతీయ సాక్షా యాక్ట్ వంటి చట్టాలు ఉన్నాయన్నారు.
Read Also: Yogi Adityanath: బాణాసంచా పేలినా పాకిస్తాన్ వివరణ ఇచ్చుకునే పరిస్థితికి వచ్చింది..
‘బెయిల్ రూల్, జైల్ మినహాయింపు’ అనే సూత్రాన్ని అమలు చేసేందుకు ప్రత్యేక చట్టాన్ని కూడా తీసుకురానున్నట్లు వెల్లడించారు. కేరళకు చెందిన జస్టిన్ కృష్ణ ఈ చట్టాన్ని నొక్కి చెప్పారని చిదంబరం అన్నారు. చివరికి అందరూ బెయిల్ పొందడానికి సుప్రీంకోర్టుకు వెళ్లలేరని, దిగువ న్యాయవ్యవస్థ, మేజిస్ట్రేట్లు మరియు జిల్లా న్యాయమూర్తులలో ఈ నియమాన్ని చాలా అరుదుగా పాటిస్తారు, 65 శాతం మంది ఖైదీలు విచారణలో ఉన్నారని, వారంతా దోషులు కాదని వారంతా ఎందుకు జైలులో ఉండాలి..? అని ప్రశ్నించారు. 90 శాతం మంది అండర్ ట్రయల్స్లో ఓబీసీ, ఎస్సీ, ఎస్టీలు ఉన్నారు కాబట్టి మేము ఒక ప్రత్యేక చట్టాన్ని తీసుకువస్తామని చెప్పారు. పోలీసులు, సీబీఐ 15 రోజుల విచారణ తర్వాత ప్రతీ ఒక్కరూ తప్పకుండా బెయిల్ పొందేలా చూస్తామని చెప్పారు.