Road Accident: ఘోర రోడ్డు ప్రమాదం..11 మంది మృతి

Chhattisgarh Baloda Bazar road accident: రహదారులు నెత్తురోడుతున్నాయి. ప్రతీ రోజు ఎక్కడో చోట రోడ్డు ప్రమాదాలు జరుగుతూనే ఉన్నాయి. అతివేగం, అజాగ్రత్త కారణంగా ప్రజలు ప్రాణాలు కోల్పోతున్నారు. ఛత్తీస్‌గఢ్‌లోని బలోడా బజార్-భటపరా జిల్లాలో గురువారం రాత్రి ఘోర రోడ్డు ప్రమాదం జరిగింది. ఖటారియా ప్రాంతంలో పికప్ వ్యాన్ ను ట్రక్కు ఢీకొట్టడంతో 11 మంది మరణించారు. 10 మందికి పైగా గాయపడ్డారు. గాయపడిన వారిలో ఇద్దరి పరిస్థితి విషమంగా ఉన్నట్లు సమాచారం.

Read Also: Cow Smuggling : ప్రధాని, హోంమంత్రి మౌనం వీడాలి.. నిందితులకు శిక్ష పడాలి

మరణించిన వారంతా ఒకే కుటుంబానికి చెందినవారని తెలుస్తోంది. పని కోసం ఖిలోరా నుండి అర్జుని గ్రామానికి వెళ్లారు. అర్ధరాత్రి తిరిగి వస్తున్న సమయంలో ప్రమాదం చోటు చేసుకుంది. మృతుల్లో నలుగురు చిన్నారులు కూడా ఉన్నారు. రోడ్డు ప్రమాదంపై ముఖ్యమంత్రి భూపేష్ బఘేల్ దిగ్భ్రాంతి వ్యక్తం చేశారు. ప్రమాదం జరిగిన వెంటనే సంఘటన స్థలానికి చేరుకున్న పోలీసులు క్షతగాత్రులను హుటాహుటిన సమీప ఆస్పత్రులకు తరలించారు. తీవ్రంగా గాయపడిన వారిని రాయపూర్ కు తరలించారు. ప్రమాదంపై విచారం వ్యక్తం చేసిన సీఎం, క్షతగాత్రులకు మెరుగైన వైద్య సౌకర్యాలు అందించాలని అధికారులను ఆదేశించారు.