Ministry of Law and Justice: ఇక నుంచి సుప్రీంకోర్టు మాజీ ప్రధాన న్యాయమూర్తికి ఢిల్లీలో ఉచిత బంగ్లా, భద్రత, డ్రైవర్ను కేటాయించే విధంగా కేంద్రం నోటిఫికేషన్ జారీ చేసింది. సుప్రీం కోర్టు మాజీ న్యాయమూర్తులకు, హైకోర్టు మాజీ ప్రధాన న్యాయమూర్తులకు కూడా ఈ సౌకర్యం వర్తించనుంది. ఆ మేరకు నిబంధనలు మారుస్తూ కేంద్ర న్యాయ మంత్రిత్వ శాఖ ఉత్తర్వులు జారీ చేసింది. సుప్రీంకోర్టు ప్రధాన న్యాయమూర్తిగా పదవీ విరమణ చేసిన తర్వాత 6 నెలలు ఉచిత నివాసం కల్పించే సౌకర్యాన్ని కేంద్రం ఏర్పాటు చేసింది. ఢిల్లీలో 6 నెలలు ఉచిత బంగ్లాతో పాటు, ఒక ఏడాది పాటు భద్రత, వ్యక్తిగత సిబ్బంది, డ్రైవర్ సౌకర్యం కల్పించారు.
Indian Airforce: బ్రహ్మోస్ క్షిపణి మిస్ ఫైర్.. ముగ్గురు అధికారుల తొలగింపు
ఈ సౌకర్యాలు సుప్రీంకోర్టు న్యాయమూర్తులకు, హైకోర్టు మాజీ ప్రధాన న్యాయమూర్తులకు కూడా వర్తింపజేస్తూ ఉత్తర్వుల్లో కేంద్రం పేర్కొంది. హైకోర్టు మాజీ ప్రధాన న్యాయమూర్తులకు, హైకోర్టు మాజీ న్యాయమూర్తులకు కూడా విమానాశ్రయాల్లో శాశ్వత ప్రాతిపదికన ”ప్రోటోకాల్” కల్పిస్తూ ఉత్తర్వులు జారీ అయ్యాయి.