Annamalai: రేపు బీజేపీకి అన్నామలై రాజీనామా.!

Annamalai: గత రెండు రోజులుగా కొనసాగుతున్న సస్పెన్స్‌కు తెర పడినట్లే. బీజేపీకి రేపు అన్నామలై రాజీనామా చేస్తున్నట్లు తెలుస్తోంది. తమిళనాడు నుంచి బీజేపీకి రాజీనామా చేసినట్లు ఆయన ప్రకటించబోతున్నారు. మంగళవారం రోజు బీజేపీ జాతీయాధ్యక్షుడు నితిన్ నబీన్, కేంద్ర హోం మంత్రి అమిత్ షాలను కలిసిన అన్నామలై రాజీనామా విషయాన్ని చెప్పారు. తాను ఎందుకు రాజీనామా చేస్తున్నా అనే విషయాలను పార్టీ పెద్దలకు వివరించారు.

రాజీనామాకు కారణాలు ఇవే:

బీజేపీకి అన్నామలై రాజీనామా తర్వాత, సోలోగా తమిళనాడులో ఒక పార్టీ ఏర్పాటు చేసే అవకాశం ఉన్నట్లు తెలుస్తోంది. తనను తమిళనాడు బీజేపీ అధ్యక్ష పదవి నుంచి తప్పించడం, అన్నాడీఎంకేతో పొత్తు పెట్టుకోవడం, ఎడప్పాడి పళనిస్వామి కండీషన్ ప్రకారం తనను పార్టీ ప్రచారానికి దూరం పెట్టడం వంటి అంశాలపై అన్నామలై తీవ్ర అసంతృప్తి వ్యక్తం చేశారు. ఇంత చేసినా కూడా ఆ రాష్ట్ర అసెంబ్లీ ఎన్నికల్లో 234 స్థానాలకు గానూ బీజేపీ కేవలం ఒక స్థానానికి పరిమితమైంది. ఓట్ షేర్ కూడా గణనీయంగా పడిపోయింది. అన్నాడీఎంకే కూడా దారుణంగా ఓటమి చవిచూసింది. ఈ కారణాల వల్లే అన్నామలై రాజీనామా చేసినట్లు తెలుస్తోంది.