అనంత్ అంబానీ-రాధిక మర్చంట్ వివాహ వేడుకకు ఏర్పాట్లు చకచక జరుగుతున్నాయి. ఈ నెల 12న పెళ్లితో జంట ఒక్కటి కాబోతుంది. ఇందుకోసం ముంబైలో వివాహ వేడుక అంగరంగ వైభవంగా తయారు చేస్తున్నారు. ఇదిలా ఉంటే బుధవారం మామేరు వేడుకతో అనంత్- రాధికల వివాహవ వేడుకలు అధికారికంగా ప్రారంభమయ్యాయి. గుజరాతీ సంప్రదాయం ప్రకారం నిర్వహించే ఈ మామేరు వేడుకలో కాబోయే కోడలికి అత్తామామలు స్వీట్లు తినిపించి కానుకలు అందిస్తారు. అలాగే వధూవరుల ఇళ్లల్లో ఈ మామేరు వేడుక వేరు వేరుగా జరుగుతుంది. అది బుధవారంతో ప్రారంభమైంది.
ఇక జూలై 12న పెళ్లి కార్యక్రమం ముగిసిన తర్వాత.. జూలై 13న అతిథులను అబ్బురపరిచే కార్యక్రమం ఏర్పాటు చేశారు. 60 మంది డ్యాన్సర్లతో ప్రోగ్రామ్ నిర్వహిస్తున్నారు. ఈ ప్రదర్శనను సిద్ధం చేయడానికి ఏస్ కొరియోగ్రాఫర్ వైభవి మర్చంట్ రెడీ అవుతున్నారు. ఈ ఈవెంట్ సంప్రదాయం, ఆధునికత, అసమానమైన వినోదం అందించనుంది.
ఇదిలా ఉంటే అనంత్ అంబానీ వివాహానికి ముందు నీతా, ముఖేష్ అంబానీలు మహారాష్ట్రలోని పాల్ఘర్కు చెందిన 50 మందికి పైగా నిరుపేద జంటలకు జూలై 2న సామూహిక వివాహాన్ని నిర్వహించారు. అనంతరం వారికి ఏడాది సరిపడా వస్తువుల్ని అందించారు.
