Hanuman Statue: హనుమాన్ విగ్రహంపై అమెరికన్ నేత అనుచిత వ్యాఖ్యలు..

Hanuman Statue: అమెరికాలో అధికార రిపబ్లికన్ పార్టీ నేతలు హిందూ ద్వేష భావాన్ని దాచుకోవడం లేదు. టెక్సాస్‌లోని ‘‘స్టాచ్యు ఆఫ్ యూనియన్’’గా పిలువబడే 90 అడుగుల హనుమాన్ విగ్రహంపై MAGA (మేక్ అమెరికా గ్రేట్ ఎగైన్) నేత కార్లోస్ టర్సియోస్ వివాదాస్పద వ్యాఖ్యలు చేశారు. టెక్సాస్‌లోని షుగర్ ల్యాండ్‌లోని శ్రీ అష్టలక్ష్మీ ఆలయంలో హనుమాన్ విగ్రహానికి సంబంధించిన వీడియోను షేర్ చేస్తూ.. ‘‘మూడో ప్రపంచం నుంచి గ్రహాంతరవాసులు టెక్సాస్, అమెరికాను తీసుకుంటున్నాయి. దండయాత్ర ఆపమని ప్రజలు కోరుతున్నారు’’ అని ఎక్స్‌లో ట్వీట్ చేశారు.

Read Also: Supreme Court: పంచుకుంటూ పోతే మిగిలేది ఏముండదు.. ఉచిత పథకాలపై సుప్రీంకోర్టు ఆక్షేపణ

ఇదే కాకుండా .. ‘‘ఇది ఇస్లామాబాద్, పాకిస్తాన్ లేదా న్యూఢిల్లీ, ఇండియా కాదు. ఇది షుగర్ ల్యాండ్, టెక్సాస్. అమెరికా గ్రహాంతరవాసులు నెమ్మదిగా టెక్సాస్, అమెరికాను ఆక్రమించుకుంటున్నారు. ఇది యూఎస్‌లో మూడో అతిపెద్ద విగ్రహం ఎందుకు..? దండయాత్ర ఆపండి’’ అని ఎక్స్‌లో పోస్ట్ చేశాడు. పంచలోహ అభయ హనుమాన్ విగ్రహాన్ని 2024లో ఆవిష్కరించారు. ఇది అమెరికాలో ఎత్తైన హిందూ స్మారక చిహ్నాల్లో ఒకటి. ఇది యూఎస్‌లోనే మూడో అతిపెద్ద విగ్రహం.

టార్సియోస్ వ్యాఖ్యలు తీవ్ర వివాదంగా మారాయి. అనేక మంది సోషల్ మీడియా యూజర్లు విదేశీయుల్ని ద్వేషిస్తున్నాడని ఆరోపించారు. అమెరికన్ సమాజానికి వలసదారులు సహకారాన్ని నెటిజన్లు గుర్తుచేశారు. మరికొందరు మీలో జాత్యాంహకారం ఉందని, హిందూ మతాన్ని ముందు మీరు అర్థం చేసుకోవాలని, మీరు ముందుగా రాడికల్ ఇస్లాంపై ఫిర్యాదు చేయాల్సిందని అన్నారు.

🚨SUGAR LAND, TEXAS🚨This is not Islamabad, Pakistan, or New Delhi, India. This is Sugar Land, Texas. Third World Aliens are slowly taking over Texas and America. Why is the third-largest statue in the US this??!

Stop the INVASION!

Follow:@Carlos__Turcios pic.twitter.com/hzNIunlyQ4

— Carlos Turcios (@Carlos__Turcios) February 16, 2026