Amazon to Invest in India: భారత్ లో 35 బిలియన్ డాలర్ల పెట్టబడి పెట్టనున్నఅమెజాన్

అమెజాన్ భారత్‌లో 35 బిలియన్ డాలర్ల భారీ పెట్టుబడి పెట్టనున్నట్లు ప్రకటించింది. ఈ పెట్టుబడితో దేశంలోని ఇ-కామర్స్, లాజిస్టిక్స్, డేటా సెంటర్లు, డిజిటల్ సేవలు వంటి రంగాల అభివృద్ధికి మరింత దోహదపడుతుందని ఆర్థిక నిపుణులు చెబుతున్నారు. భారత మార్కెట్‌లో ఉన్న విస్తృత అవకాశాలను దృష్టిలో ఉంచుకొని ఈ నిర్ణయం తీసుకున్నట్టుగా కంపెనీ తెలిపింది. కొత్త పెట్టుబడితో ఉపాధి అవకాశాలు పెరగడంతో పాటు, చిన్న, మధ్య తరహా వ్యాపారాల డిజిటల్ వికాసానికి కూడా ఇది తోడ్పడనుంది.

అమెజాన్ భారత మార్కెట్‌పై తన నిబద్ధతను మరోసారి రుజువు చేస్తూ, 2030 నాటికి మొత్తం 35 బిలియన్ డాలర్లు (దాదాపు రూ. 2,90,000 కోట్లు) పెట్టుబడి పెట్టనున్నట్లు కంపెనీ ఉన్నతాధికారి వెల్లడించారు. ఈ నిధులను అమెజాన్‌ వివిధ వ్యాపార విభాగాలలో ఈ-కామర్స్, AWS క్లౌడ్ కంప్యూటింగ్, లాజిస్టిక్స్, వినోద సేవలు, అభివృద్ధి చేయడానికి వినియోగించనున్నట్లు తెలిపారు.

భారతదేశంలో డిజిటల్ మౌలిక సదుపాయాలను బలోపేతం చేయడం, చిన్న మరియు మధ్య తరహా వ్యాపారాలను డిజిటల్ మార్గంలో ముందుకు తీసుకెళ్లడం, ఉద్యోగ అవకాశాలను పెంచడం వంటి లక్ష్యాలు ఈ పెట్టుబడికి కారణమని అమెజాన్ పేర్కొంది. ముఖ్యంగా క్లౌడ్ సేవల విస్తృత వృద్ధిని దృష్టిలో ఉంచుకొని, AWS మౌలిక సదుపాయాల విస్తరణకు గణనీయమైన నిధులు కేటాయించనున్నారు. భారత ఆర్థిక వ్యవస్థ అభివృద్ధిలో భాగస్వామి కావడం, దేశీయ వినియోగదారులకు మరియు వ్యాపారాలకు అధునాతన సేవలను అందించడం తమ ప్రధాన బాధ్యతగా భావిస్తున్నట్లు కంపెనీ స్పష్టం చేసింది.