Explosion At Factory In Tamil Nadu: తమిళనాడు రాష్ట్రంలోని విరుదునగర్ జిల్లా సత్తూరు సమీపంలోని ఈరోజు (జనవరి 4) ఉదయం బాణాసంచా ఫ్యాక్టరీలో పేలుడు సంభవించడంతో ఆరుగురు కార్మికులు మరణించగా మరో ఏడుగురు తీవ్రంగా గాయపడ్డారు. అయితే, అప్పయ్య నాయకన్‌పట్టిలోని సాయినాథ్‌ అనే ప్రైవేట్‌ పటాసులు ఫ్యాక్టరీలో ఈ ఘటన చోటు చేసుకుంది. ఇక, పేలుడు ధాటికి ఫ్యాక్టరీలోని 4 గదులు కూలి నేలమట్టమయ్యాయి. విషయం తెలుసుకున్న.. అగ్నిమాపక సిబ్బంది సంఘటనా ప్రదేశానికి చేరుకుని శిథిలాలలో చిక్కుకున్న ఒకరిని రక్షించాగా.. అతను చికిత్స పొందుతూ చనిపోయాడు.
Read Also: Pushpa 2 : కెనడాలో ఆల్‌టైమ్ రికార్డు క్రియేట్ చేసిన ‘పుష్ప 2’
అయితే, బాణాసంచా తయారీ సమయంలో షార్ట్ సర్క్యూట్ తో పేలుడుకు కారణమై ఉండవచ్చని పోలీసులు అనుమానిస్తున్నారు. ఈ సంఘటనతో విరుదునగర్‌లోని బాణసంచా కర్మాగారాల్లో భద్రతా లోపాలాన్ని గుర్తించారు. అలాగే, గత ఏడాది సత్తూరులోని బాణాసంచా తయారీ ప్లాంట్‌లో భద్రతా నిబంధనలను రాష్ట్ర ముఖ్యమంత్రి ఎంకే స్టాలిన్ తనిఖీ చేసినప్పటికీ.. వరుస ప్రమాదాలు కొనసాగుతునే ఉన్నాయి. సేఫ్టీ ప్రోటోకాల్స్‌ను అమలు చేయడంతో పాటు బాణసంచా పరిశ్రమను సమర్థవంతంగా నియంత్రించడంలో అధికార యంత్రాంగం విఫలమైనట్లు విమర్శలు వస్తున్నాయి. ఈ ఘటనపై సర్వత్రా ఆగ్రహావేశాలు వ్యక్తమవుతున్నాయి. భవిష్యత్తులో ఇలాంటి దుర్ఘటనలు జరగకుండా పటిష్టమైన భద్రతా చర్యలు తీసుకోవాలని ప్రజలు డిమాండ్ చేస్తున్నారు.
