యంగ్ బ్యూటీ శ్రీలీల ఐకాన్ స్టార్ అల్లు అర్జున్ను రిజెక్ట్ చేసిందా? అంటే, ఔననే అంటున్నాయి ఇండస్ట్రీ వర్గాలు. అసలు శ్రీలీల ఏంటీ, బన్నీని రిజెక్ట్ చేయడం ఏంటి? అనేదే ఇప్పుడు హాట్ టాపిక్గా మారింది. కానీ శ్రీలీల నో చెప్పడానికి బలమైన రీజనే ఉంది. శ్రీలీలకు బన్నీతో వచ్చిన ఛాన్స్ హీరోయిన్గా కాదట. అందుకే ఏ మాత్రం ఆలోచించకుండా నో చెప్పేసిందట. పుష్ప సినిమాలో సమంత చేసిన ఐటెం సాంగ్ ఎంత పాపులర్ అయిందో అందరికీ తెలిసిందే. ఊ అంటావా మావా.. ఊ ఊ అంటావా మావా.. అంటూ సామ్ చేసిన రచ్చ అంతా ఇంత కాదు. అందుకే పుష్ప2లోను అదిరిపోయే ఐటెం సాంగ్ ప్లాన్ చేస్తున్నాడు సుకుమార్. అందుకోసం ఓ రేంజ్ ఉన్న హీరోయిన్తో స్టెప్పులేయించాలని అనుకుంటున్నాడు.
ఇప్పటివరకు పలువురు బాలీవుడ్ ముద్దుగుమ్మలు పేర్లు జోరుగా వినిపించాయి. కానీ ఫైనల్గా శ్రీలీల అయితే ఐటెం సాంగ్ అదిరిపోతుందని అనుకున్నాడట. రీసెంట్గా శ్రీలీలను సంప్రదించి, భారీ మొత్తంలో ఆఫర్ చేశారట మేకర్స్. అయినా కూడా శ్రీలీల నో చెప్పిందట. ప్రజెంట్ శ్రీలీల క్రేజ్ మామూలుగా లేదు. అమ్మడు స్టెప్ వేస్తే.. థియేటర్లు షేక్ అయిపోవాల్సిందే. అందుకు నిదర్శనమే ధమాకా సినిమా అని చెప్పొచ్చు. పైగా ఈ యంగ్ బ్యూటీ చేతిలో దాదాపు పది ప్రాజెక్టులు ఉన్నాయి. ఇలాంటి సమయంలో ఐటెం సాంగ్ అంటే.. తన కెరీర్ ఇబ్బందుల్లో పడుతుందనే ఆలోచనతో పుష్పరాజ్తో ఐటెం సాంగ్ రిజెక్ట్ చేసినట్టు తెలుస్తోంది. అయితే.. ఇప్పటికే పవన్, మహేష్లతో కలిసి రొమాన్స్ చేస్తోంది శ్రీలీల. కాబట్టి అమ్మడికి బన్నీతో నటించే ఛాన్స్ త్వరలోనే వస్తుందని చెప్పొచ్చు.
