పుష్ప 2 అప్డేట్ కోసం అల్లు అర్జున్ అభిమానులు ఏడాది కాలంగా ఎదురుచూస్తూనే ఉన్నారు. పుష్ప పార్ట్ 1 రిలీజ్ అయ్యి పాన్ ఇండియా హిట్ అయ్యింది, పార్ట్ 2 కోసం ఇండియన్ ఫిల్మ్ ఆడియన్స్ అందరూ వెయిట్ చేస్తున్నారు. ఈ వెయిటింగ్ కి ఎండ్ కార్డ్ వేయడానికి సుకుమార్ ప్రయత్నిస్తూ కనిపించట్లేదు. బన్నీ అభిమానులని ఊరిస్తున్న సుకుమార్, పార్ట్ 2 షూటింగ్ ని కూడా మొదలుపెట్టలేదు. పుష్ప 2 అప్డేట్ కోసం ఫాన్స్ ర్యాలీలు చేస్తుంటే, చిత్ర యూనిట్ మాత్రం రష్యాలో పుష్ప పార్ట్ 1ని రిలీజ్ చేశారు. పార్ట్ 1కి పాన్ ఇండియా షేక్ అయ్యింది, పార్ట్ 2తో మార్కెట్ మరింత పెరగనుంది అనే హింట్ ఇచ్చారు మేకర్స్. పుష్ప 2ని కనీసం 2023లో స్టార్ట్ చేసి, అదే ఏడాదిలో రిలీజ్ చేస్తారా అనే ప్రశ్నకి ఎవరికీ సమాధానం తెలియట్లేదు.
పుష్ప రాజ్ రూలింగ్ ఎలా ఉండబోతుంది? ఈసారి ఎన్ని భాషల్లో రిలీజ్ కాబోతోంది? భన్వర్ సింగ్ షెకావత్ కి పుష్పకి మధ్య ఫైట్ ఎలా ఉండబోతుంది? ఇలాంటి చాలా ప్రశ్నలకి సమాధానాలు తెలియాల్సి ఉంది. అసలు పుష్ప 2 షూటింగ్ ఎప్పుడు స్టార్ట్ అవుతుంది? అనేది ఇప్పుడు సినీ అభిమానుల్లో హాట్ టాపిక్ అయ్యింది. ఈ డౌట్ ని క్లియర్ చేస్తూ… పుష్ప 2 షూటింగ్ అప్డేట్ ని అల్లు అర్జున్ ఈరోజైనా క్లియర్ చేస్తాడేమో చూడాలి. నిఖిల్ సిద్ధార్థ్, అనుపమ జంటగా నటించిన లేటెస్ట్ మూవీ ’18 పేజెస్’ ప్రీరిలీజ్ ఈవెంట్ ఈరోజు గ్రాండ్ గా జరగనుంది. సుకుమార్ కథ, కథనం అందించిన ఈ మూవీ ప్రీరిలీజ్ ఈవెంట్ కి అల్లు అర్జున్ చీఫ్ గెస్టుగా రానున్నాడు. ఈ స్టేజ్ పైన సుకుమార్, అల్లు అర్జున్ కలిసి కనిపిస్తారు కాబట్టి ఆడిటోరియం మొత్తం “wewantpushpa2update” సౌండ్ తో మోతమోగి పోతుంది. మరి ఈ సౌండ్ కి అయినా సుకుమార్, అల్లు అర్జున్ లు పుష్ప 2 అప్డేట్ ఇస్తారేమో చూడాలి.
