LEO: లోకేష్ యూనివర్స్ లో చరణ్ ఉన్నాడా? కాశ్మీర్ లో ఏపీ కార్లు ఎందుకు?
లోకేష్ కనగరాజ్, దళపతి విజయ్ కాంబినేషన్ లో అనౌన్స్ అయిన లేటెస్ట్ మూవీ ‘లియో’. మాస్టర్ సినిమాతో బాలన్స్ ఉన్న హిట్ ని ఈసారి పాన్ ఇండియా లెవల్లో అందుకోవడానికి విజయ్, లోకేష్ లు రెడీ అయ్యారు. రీసెంట్ గా గ్రాండ్ గా లాంచ్ అయిన ఈ మూవీ ఫస్ట్ షెడ్యూల్ కాశ్మీర్ లో జరుగుతోంది. గతంలో ఒక షెడ్యూల్ జరిగింది కానీ అది ప్రోమోకి మాత్రమే వాడారు. టైటిల్ ని అనౌన్స్ చేస్తూ మేకర్స్ రిలీజ్ చేసిన వీడియోలో విజయ్ చాక్లెట్ ఫ్యాక్టరీ ఇంటీరియర్ షాట్స్ డిసెంబర్ లో షూట్ చేసినవే. కాశ్మీర్ లో విజయ్ బిల్డింగ్ ఎక్స్టీరియర్, కార్ల పాసింగ్ షాట్స్ ని తీసుకోని అనౌన్స్మెంట్ వీడియోని రెడీ చేశారు. ఇందులో విజయ్ కోసం వచ్చే కార్స్ లో ఒక కార్ కి ఏపీ రిజిస్ట్రేషన్ ఉంది. ఇది చూడగానే లోకేష్ సినిమాటిక్ యూనివర్స్ లోకి రామ్ చరణ్ వస్తున్నాడు, అందుకే ఏపీ కార్లు కాశ్మీర్ లో కనిపించాయి లేదంటే లోకేష్ అంత ఈజీగా ఏపీ నంబర్ ప్లేట్ ఉన్న కారుని రిజిస్టర్ చెయ్యడు అంటూ ఎవరి థియరీలు వాళ్లు చెప్తున్నారు.
ఇందులో ఎంతవరకూ నిజం ఉంది అనే విషయం ఎవరికీ తెలియదు కానీ లోకేష్ కి కూడా లేని ఐడియాలని అభిమానులు ఇస్తున్నట్లు ఉన్నారు. చరణ్, లోకేష్ కలిసి ఒక సినిమా చెయ్యాల్సి ఉంది. అది లియోలో గెస్ట్ రోల్ తో ఎస్టాబ్లిష్ చేస్తాడా? లేక తర్వాత ఫుల్ లెంగ్త్ సినిమా చేస్తాడా అనేది తెలియదు. ఒకవేళ అందరూ అనుకుంటున్నట్లు చరణ్, LCUలో జాయిన్ అయితే ఆ హైప్ భారీగా ఉంటుంది. విక్రమ్ మూవీలో రోలెక్స్ పాత్ర కోసం సూర్యని దించి లోకేష్ సెన్సేషన్ క్రియేట్ చేశాడు. ఆ ఇంపాక్ట్ కి వంద రెట్లు ఎక్కువగా ఉంటుంది, చరణ్-విజయ్ లు లియో మూవీలో ఎదురు పడితే. మరి లియోలో చరణ్ కనిపించడం అనే థియరీకి అయితే లోకేష్ మాత్రమే సమాధానం చెప్పగలడు. అప్పటివరకూ వెయిట్ చెయ్యాల్సిందే.