Thandel: ‘తండేల్’ అంటే అర్ధం ఏంటో తెలుసా.. ?
Thandel: అక్కినేని నాగచైతన్య, సాయి పల్లవి జంటగా చందు మొండేటి దర్శకత్వంలో తెరకెక్కుతున్న చిత్రం తండేల్. గీత ఆర్ట్స్ బ్యానర్ పై బన్నీ వాసు ఈ చిత్రాన్ని నిర్మిస్తున్నాడు. గత కొన్నేళ్లుగా విజయం కోసం నాగచైతన్య ఎంతో కష్టపడుతున్న విషయం తెలిసిందే. ప్రస్తుతం అతని ఆశలన్నీ ఈ సినిమా మీదనే పెట్టుకున్నాడు. ఈ చిత్రంలో చైతన్య బెస్తవాడిగా కనిపించనున్నాడు. గుజరాత్ తీరంలో సముద్ర జలాల్లో చిక్కుకున్న శ్రీకాకుళానికి చెందిన జాలరి జీవితంలో జరిగిన కొన్ని సంఘటనల ఆధారంగా ఈ సినిమాను తెరకెక్కిస్తున్నాడు చందు మొండేటి. ప్రస్తుతం ఈ సినిమా షూటింగ్ శరవేగంగా జరుగుతుంది.
Animal: తెలుగులో కూడా యానిమల్ హవా.. ఎన్ని కోట్లకు అమ్మారో తెలుసా?
ఇక ఈ నేపథ్యంలోనే టైటిల్ రిలీజ్ అయిన తర్వాత అసలు తండేల్ అంటే ఏంటి అని అభిమానులు ఆరాలు తీయడం మొదలుపెట్టారు. ఇక ఈ మధ్యనే చందు మొండేటి టైటిల్ కి అర్థం ఏంటో చెప్పుకొచ్చాడు. గుజరాత్ భాషలో తండేల్ అంటే బోటు ఆపరేటర్ అని, అందుకే ఆ పేరును టైటిల్ గా పెట్టినట్లు చెప్పుకొచ్చాడు. ఇప్పుడంటే ఆ పదాలు అందరికీ కొత్తగా ఉంటాయి కానీ ఒకప్పుడు అందరూ బోటు ఆపరేటర్ను.. తండేల్ అనే పిలిచేవారని క్లారిటీ ఇచ్చాడు. ఇక ఈ సినిమా కోసం చై ఎంతో కష్టపడుతున్నాడు. ఫిట్నెస్ తో పాటు మత్స్యకారులు ఎలా ఉంటారు అనేదాన్ని ఎంతో దగ్గరుండి చూసి నేర్చుకుంటున్నాడు. త్వరలోనే ఈ సినిమా ప్రేక్షకుల ముందుకు రానుంది. మరి ఈ సినిమాతో చై ఎలాంటి విజయాన్ని అందుకుంటాడో చూడాలి.