Waltair Veerayya: చిరు, రవితేజ కలిసి స్టెప్ వేస్తే ‘పూనకాలు లోడింగ్’ పక్కా..?

Waltair Veerayya: మెగాస్టార్ చిరంజీవి, శృతి హాసన్ జంటగా బాబీ దర్శకత్వంలో తెరకెక్కుతున్న చిత్రం వాల్తేరు వీరయ్య. మైత్రీ మూవీ మేకర్స్ నిర్మిస్తున్న ఈ చిత్రంలో మాస్ మహారాజా రవితేజ కీలక పాత్రలో నటిస్తున్నాడు. సంక్రాంతి కానుకగా ఈ సినిమా జనవరి 13 న ప్రేక్షకుల ముందుకు రానుంది. రిలీజ్ డేట్ దగ్గరపడడంతో ప్రమోషన్ల జోరును పెంచిన మేకర్స్ వరుస సాంగ్స్ ను రిలీజ్ చేస్తున్నారు. ఇప్పటికే ఈ చిత్రం నుంచి రిలీజైన రెండు సాంగ్స్ ప్రేక్షకులను విశేషంగా ఆకట్టుకుంటున్నాయి.

కాగా, తాజాగా అందుతున్న సమాచారం ప్రకారం.. మూడో సాంగ్ ను మేకర్స్ రిలీజ్ చేయడానికి రెడీ అవుతున్నారట. ఈ సాంగ్ లో రవితేజ, చిరు కలిసి స్టెప్పులు వేయనున్నారని టాక్.. ఇక ఇండస్ట్రీ మొత్తం పూనకాలు లోడింగే.. అంటే పూనకాలు లోడింగ్ అనే పల్లవితో ఈ సాంగ్ ఉండనున్నదట.. దేవి శ్రీ ప్రసాద్ సంగీతం అందిస్తున్న ఈ చిత్రంలో ఈ సాంగ్ హైలైట్ గా నిలవనున్నదట. అప్పుడెప్పుడో అన్నయ్య సినిమాలో చిరు- రవితేజ కలిసి స్టెప్పులు వేసింది చూశాం. ఇక ఇన్నేళ్ల తరువాత ఈ కాంబో పూనకాలు లోడింగ్ అంటూ వచ్చేస్తోంది. మరి ఈ సాంగ్ లో మెగాస్టార్, మాస్ మహారాజా ఎలాంటి పూనకాలు తెప్పిస్తారో చూడాలి.