RRR: ఓటీటీ స్ట్రీమింగ్ డేట్ ఇదేనా?

యంగ్ టైగర్ ఎన్టీఆర్, మెగా పవర్‌స్టార్ రామ్‌చరణ్ హీరోలుగా దర్శక ధీరుడు రాజమౌళి తెరకెక్కించిన ఆర్.ఆర్.ఆర్ బ్లాక్ బస్టర్ హిట్‌గా నిలిచింది. తెలుగు ఇండస్ట్రీలోనే అత్యధిక వసూళ్లను ఈ సినిమా సొంతం చేసుకుంది. విడుదలైన అన్ని భాషల్లోనూ హాలీవుడ్ సినిమా స్థాయిలో కలెక్షన్స్ రాబట్టింది. ఇంత భారీ విజయాన్ని సొంతం చేసుకున్న సినిమాను ఓటీటీలో చూడాలని మెగా, నందమూరి అభిమానులు ఉవ్విళ్లూరుతున్నారు. ఈ సినిమా ఓటీటీ హక్కులను జీ5 సంస్థ కొనుగోలు చేసింది. హిందీ మినహా అన్ని భాషల హక్కులు జీ5 దగ్గరే ఉన్నాయి. హిందీ వెర్షన్ స్ట్రీమింగ్ హక్కులు నెట్ ఫ్లిక్స్ కొనుగోలు చేసింది.

అయితే జీ5 లో ఈ సినిమా ఎప్పుడు స్ట్రీమ్ అవుతుందనే విషయం ప్రస్తుతం సోషల్ మీడియాలో హాట్ టాపిక్‌గా మారింది. ఈ నేపథ్యంలో మే 13 నుంచి ఆర్.ఆర్.ఆర్ మూవీ ఓటీటీలో స్ట్రీమింగ్ అవుతుందని ప్రచారం జరుగుతోంది. ఈ మూవీ మార్చి 25న విడుదల కాగా ఏడు వారాల తర్వాత స్ట్రీమింగ్ చేసుకోవచ్చనే ఒప్పందం జరిగిందని.. ఈ మేరకు 49 రోజుల తర్వాత ఈ మూవీ స్ట్రీమింగ్ కానున్నట్లు తెలుస్తోంది. ఓటీటీ అప్‌డేట్స్ ఇచ్చే అన్ని ట్విట్టర్ హ్యాండిల్స్ ఇదే విషయాన్ని ధృవీకరిస్తున్నాయి. అయితే ఈ తేదీపై చిత్రబృందం అధికారికంగా ప్రకటించాల్సి ఉంది. కాగా ఇప్పటికే ఆర్.ఆర్.ఆర్ మూవీ రూ.వెయ్యి కోట్లకు పైగా గ్రాస్ కలెక్షన్‌లను వసూలు చేసి బాక్సాఫీస్‌ను షేక్ చేస్తోంది.

BlockBuster #RRR Will premier On #Zee5 & #Netflix From May 13th 🔥🔥🔥#RRRMovie #RRROnZee5 #RRROnNetflix pic.twitter.com/DvxyAPw4vt

— NEW UPDATES (@OTTGURUJINITHIN) April 22, 2022